Accessibility links

دیپلۆماتە باڵاکان: هەناردەی نەوتی ئێران تەوەری گفتوگۆی ناوکی ڤیەننا دەبێت


IRAN-NUCLEAR/TALKS

وەزیری دەرەوەی ئێران ڕایگەیاند، تەوەری سەرەکی ئێران لە گفتوگۆ ناوەکییەکاندا کە ڕۆژی دووشەممە لە نەمسا دەستپێدەکات، سەبارەت دەبێت بە هەڵگرتنی هەموو سزاکانی ئەمەریکا لە پرۆسەیەکی پەسەندکراودا کە زامنی تواناکانی تاران دەکات بۆ هەناردەکردنی نەوتەکەی.

میدیاکانی دەوڵەت بڵاویان کردەوە کە دانوستانەکان لەگەڵ زلهێزانی جیهان بۆ زیندووکردنەوەی ڕێککەوتنە ناوکییەکەی ساڵی 2015ی ئێران کە بە پلانی گشتگیری هاوبەشی چالاکی (JCPOA) ناسراوە، لە ڤیەننا دەست پێ دەکاتەوە.

میدیا ئێرانییەکان بە وتەی حوسێن ئەمیر عەبدوڵاهیان وەزیری دەرەوە دەڵێن: "گرنگترین شت بۆ ئێمە ئەوەیە بگەینە ئاستێک کە سەرەتا نەوتی ئێران بە ئاسانی و بێ بەربەست بفرۆشرێت".

گوتیشی ئەو داهاتانەی لە فرۆشتنی نەوت دەستمان دەکەوێت بە دۆلار بخرێتە حسابی بانکی ئێرانی، بۆ ئەوەی بتوانین سوود لە داهاتەکانی فرۆشتنی نەوت وەرگرین و لە بەشە جیاوازەکاندا بەکاریان بهێنین.

لە ساڵی 2018سەرۆکی پێشووی ئەمەریکا دانۆڵد ترامپ لە ڕێککەوتنە ناوکییەکە کشایەوە و سزای ئابووری توندی سەپاندەوە بەسەر تاراندا، کە دوای ساڵێک وەک پەرچەکردارێک تاران دەستی کرد بە زیادکردنی ڕێژەی پیتاندنی یۆرانیۆم.

سەرچاوە: ڕۆیتەرز

XS
SM
MD
LG