بە پێی پێگەی چاودێری فرۆکەوانی فلایت ئەوێر، زیاتر لە 4500 گەشتی فڕۆکەوانی لە سەرانسەری جیهان لەڕۆژی شەممەدا هەڵوەشانەوە.
بە هەزاران گەشتی فڕۆکەوانی دیکەش گەشتەکانیان دواکەوتن، بەهۆی ڤایرۆسی ئۆمیکرۆن کە بەخێرایی بڵاودەبێتەوە و بۆتە هۆی ڕاگرتنی هاتووچۆ لە ڕۆژانی پشووی سەری ساڵدا.
پێگەکە دەڵێت لە ڕۆژی کریسمدا زیاتر لە 2 هەزار گەشتی فرۆکەوانی وەستێنراون، لەوانەی نزیکەی 700 گەشت لە فڕۆکەخانەکانی ئەمەریکا، لەگەڵ زیاتر لە 1500 گەشت کە گەشتەکانیان دواخرا.
هەروەها ڕۆژی هەینی نزیکەی 2400 وەستان و نزیکەی 11 هەزار دواکەوتنی گەشتی فڕۆکەوانی هەبوو. پێگەکە بڵاویکردەوە کە ڕۆژی یەکشەممە زیاتر لە 600 گەشت دەوەستێنرێت.
فڕۆکەوان و دەستەی خزمەتگوزاری و کارمەندانی فڕۆکەکان بەهۆی نەخۆشکەوتنەوە ناهاتبوونەوە، یاخود ناچاربوون خۆیان کەرەنتین بکەن دوای ئەوەی تووشی کۆڤید بوون، ئەمەش دامەزراوە فڕۆکەوانیەکانی لووفثانزا و دێڵتا و یونایتد ئێرلاین و چەندین کۆمپانیا دیکەی فڕۆکەوانی ناچار کرد گەشتەکانیان ڕابگرن، لە کاتێکدا زۆرترین گەشت لەم سەرو وەختەی پشووەدا لە جیهاندا ئەنجام دەدرێت.