Accessibility links

دەزگایەکی تەندروستی ئەمەریکا سێهەم دەرزی ڤاکسینی کۆڤید-19 بۆ چینێکی دیاریکراو پەسەند دەکات


بەڕێوبەرایەتی خۆراک و دەرمانی ئەمەریکا سێهەم دەرزی ڤاکسینی کۆڤید-19 پەسەند دەکات بۆ ئەمەریکاییەکانی تەمەنیان لە 65 ساڵ سەروترە و بۆ ئەو کەسانەشی کە نەخۆشی درێژخایانیان هەیەو سیستمی بەرگری لەشیان لاوازە.

دەرزی سێهەم لە کاتێکدایە کە ڤاکسینی فایزەر-بایۆنتیک لە دوو دەرزی پێکهاتبوو.

بڕیارەکەی ڕۆژی چوارشەممە ئەو کەسانە دەگرێتەوەکە کارمەندی چاودێری تەندروستی، مامۆستا یان کارمەندی فرۆشگاکان و ئەوانەشی لە پەناگەکان دەژین و بێ ماڵان یان لە زینداندان. ڕەنگە ئەم بڕیارە ڕێگەخۆشکەربێت بۆ دەنگدانی کۆمیتەیەکی نێوەندی کۆنترۆڵکردن و ڕێگەگرتن لە نەخۆشییەکان لە ئەمەریکا بۆ ئەوەی دیاری بکرێت چ توێژێکی ئەمەریکاییەکان شیاو دەبن بۆ وەرگرتنی دەرزی سێهەمی ڤاکسینەکە.

لیژنەیەکی بەڕێوبەرایەتی خۆراک و دەرمانی ئەمەریکا هەفتەی ڕابردوو بە زۆرینەی دەنگ پلانی کۆشکی سپی بۆ پێدانی دەرمانی بەهێز بۆ زۆربەی ئەمریکییەکان ڕەتکردەوە و ئاماژەیان دا بە کەمیی زانیارییەکان لەسەر سەلامەتی دەرزی سێهەم و هەروەها نەبوونی بەڵگەی تەواوەتی لەسەر بەهاکەی.

لیژنەکە دەرزی بەهێزکردنەکە بۆ ئەو کەسانەی کە تەمەنیان 65 ساڵ یان گەورەترە پەسەند کرد و بۆ ئەوانەشی مەترسیان هەیە نەخۆشییەکی سەختیان تووشببێت. زانایان جەختیان لەوە کردەوە کە پێویستە خەمی سەرەکی وڵاتەکە ئەوە بێت ئەو کەسانە بکوترێن کە هیچ دەرزییەکی ڤاکسینەکەیان وەرنەگرتووە.

XS
SM
MD
LG