ئەمریکا دەڵێت سزا دەسەپێنێتە سەر وەزارەتی بەرگری کۆماری ئیسلامی ئێران و هەروەها نێکۆڵاس مادورۆ، سەرۆکی ڤەنزەوێلا، بەپێی دەسەڵاتی نەتەوە یەکگرتووەکان.
وەزیری دەرەوەی ئەمریکا، ئەمڕۆ دووشەممە بە پەیامنێرانی وتووە " بۆ نزیکەی 2 ساڵە کاربەدەستە گەندەڵەکانی تاران لەگەڵ ڕژێمە نایاساییەکەی ڤەنزەوێلادا کاردەکەن بۆ سوکایەتی کردن بە گەمارۆکانی نەتەوە یەکگرتووەکان."
مایک پەمپێیۆ دەڵێت "بڕیار و کاری ئەمڕۆمان ئاگاهیدانێکە کە پێویستە هەموو جیهان بیبیستێت."
پەمپێیۆ دەڵێت سەرۆک ترامپ فرمانێکی سەرۆکایەتی مۆرکردووە "کە ئامڕازێکی نوێ و بەهێزە بۆ سەپاندنی گەمارۆی نەتەوە یەکگرتووەکان لەسەر چەک."
وەزیری خەزێنەی ئەمریکا کە لەگەڵ وەزیری دەرەوەی ئەمریکا بوو دەڵێت سزای تر سەپێندراونەتە سەر دەزگای وزەی ئەتۆمی ئێڕان.