Accessibility links

لەشکری میسر کوژرانی 126 تەکفیری ڕادەگەیەنێت


Egypt soldiers in North Sinai - Egyptian military - armée égyptienne

لەشکری وڵاتی میسر دەڵێت 126 کەس لە تەکفیریەکان کوژراون لەو کردە لەشکرییەی باکور و ناوەڕاستی ناوچەی سینای گرتۆتەوە.

لەو ناوچەیەداجموجۆڵی لقێکی ڕێخراوی تێرۆریستی داعش زۆرە.

لە ڕاگەیاندنرەکەی لەشکری میسردا هاتووە، لەو کردە لەشکریەدا کە پێستر کراوە دەستیش گیراوە بەسەر ژمارەیەک چەک و تەقەمەنی جۆراوجۆردا و هەروەهاش ژمارەیەک پشتێنی تایبەت بە خۆتەقاندنەوە.

لەو ڕاگەیاندنە لەشکریەدا ئاماژە بە کاتی کردە سەربازیەکە نەکراوە، بەڵام دەڵێت 266 کەس دەستگیرکراون.

بەپێی ڕاگەیاندنەکەی لەشکری میسر، 15 سەرباز کوژراون.

لە مانگی 2 ی ساڵی 2018وە هێزە ئاسایشییەکانی میسر هێرشێکی بەرفراوانیان دەستپێکردووە دژی ڕێکخراوە توندڕەوەکان لە سەرانسەری وڵاتەکەدا و بە تایبەتیش لە باکوری ناوچەی سینا.

لە دەستپێکی ئەو هێرشەشەوە تا ئێستا بەپێی ئامارەکانی لەشکری میسر، نزیکەی یەک هەزار کەس لە توندڕەوان کوژراون و هەروەهاش نزیکەی 80 سەربازیش کوژراون.

XS
SM
MD
LG