570 کەس لە میانەی تەشەنەکردنی ڤایرۆسی کۆرۆنالە هەرێمی ڕۆژهەڵاتی فەڕەنسا گیانیان لەدەستداوە و شیانی ئاماری زۆر زیاتر لە مردنی پەیوەست بە نەخۆشییەکە لە سەرانسەری وڵاتدا دێنێتە ئاراوە.
فەڕەنسا لە ڕۆژی چوارشەممەوە بووە چوارەمین وڵات کە مردنی 4 هەزار کەسی بە هۆی پەتاکەوە تێپەڕاند، لەگەڵ ئەوەشدا کە ئەم ئامارە ئەو کەسانەی تیادانییە لەدەرەوەی نەخۆشخانەکان مردوون.
مردنەکان لە نێو تیمارخانەکاندا لەم ڕۆژانەی دوایدا بەرزبوونەوە و مردنی بە دەیان کەس لە سەرانسەری فەڕەنسا ڕاگەیەندراون. بەرپرسانڕاستەوخۆهۆکاری مردنەکان تەنها بە ڤایرۆسی کۆرۆناوە نابەستنەوە بەڵکو وەک دەڵێن پەیوەندی بە تەمەن و ڕەوشی تەندروستی زۆرێک لەوانەی مردوون، دەبەستنەوە .
فرمانگەی تەندروستی گشتی لە هەرێمی گراند لە ڕۆژهەڵاتی فەڕەنسا لە ڕاگەیاندنێکدا ئاماژەی بەوە کردووە، لە 31 مانگی 3وە لە کۆی 620 تیمارخانە، 411 یان دووچاری کۆڤید – 19 بوونەتەوە و 570 کەسیش مردوون.
هەرێمی گراند ی مەزن یەکەم ناوچە بوو لە فەڕەنسا دووچاری شەپۆلێکی تەشەنەکردنی توندی پەتاکە بووەوە و بەخێرایی بەرەو ڕۆژئاوای وڵات ڕۆیشتوە و ناوچەی پاریسی گرتەوە.نەخۆشخانەکان لەوپەڕی هەوڵدان بۆ زیادکردنی ژمارەی جێگەی نەخۆش بۆ چارەسەری چڕوپڕ بۆ ئەوەی بە لێشاوی ئەو نەخۆشانەدا ڕابگەن ئەوانەی لە ڕەوشێکی خراپی تەندروستیدان.