Accessibility links

دوو کەس لە کەرتی غەززە هەڵگری ڤایرۆسی کۆرۆنان


کاربەدەستانی تەندروستی فەلەستین دەڵێن دوو کەس پشتڕاست کراونەتەوە کە هەڵگری ڤایرۆسی کۆرۆنان لە کەرتی غەزە.

وەزارەتی تەندروستیی فەلەستینەکان لە کەرتی غەزە دەڵێت دوو پیاوە فەلەستینیە تووشبوەکەلە 30یەکانی تەمەنیاندان و درەنگانێکی ڕۆژی شەممە لە پاکستان گەڕاونەتەوە و لە ڕێی میسرەوە چوونەتەوە ناو کەرتی غەززە و دوای ئەوەی پشکنینیان بۆ کراوە دەرکەوتووە کەهەڵگری ڤایرۆسی کۆرۆنان.

کاربەدەستان دەڵێن لە ئێستادا هەردوکیان جیاکراونەتەوە و لە شوێنی تایبەتی تەندروستیدا دانراون لە شارۆچکەی ڕەفح و دەشڵێن باری تەندروستییان جێگیرە.

سەلامە مەعروف سەرۆکی نوسینگەی ڕاگەیاندنی حکومەت لەغەزە بە ئاژانسی دەنگ و باسی ڕۆیتەرزی ووتوە هەرچەندە بازنەی پەیوەندی ئەم دوو پیاوە زۆر گەورە نەبووە، بەڵام ئەوانەی لەپەیوەندیدا بوون لەگەڵ 2 پیاوەکە جیاکراونەتەوە،بەبێ ئەوەی ژمارەی ئەوانەی جیاکراونەتەوە دەستنیشان بکات.

بۆ کەمکردنەوەی مەترسی گواستنەوەی ڤایرۆسی کۆرۆنا، خوێندنگا و بازاڕی گشتی و هۆڵی نەوجەوانان لە غەزە لە دوو هەفتە لەمەوبەرەوە داخراون.

XS
SM
MD
LG