Accessibility links

سەرۆک ترەمپ: قاسم سولێمانی پلانرێژی بۆ کوشتنی زیاتری ئەمەریکایی دەکرد


ئاژانسی هەواڵەکانی ئەسۆسییەت پرێس دەڵێت ؛ سەرۆکی ویلایەتەیەکگرتوەکانی ئەمەریکا دۆناڵد ترەمپ گوتی جەنەڕاڵ قاسم سولێمانی فرماندەی فەیلەقی قودس ی سەر بە سوپای پاسدارانی ئێران ئەوەی لە هێرشە ئاسمانیەکەی ئەمەریکا لە بەغدای پایتەختی عێراق کوژرا ، خەریکی پلانڕیژی بوو بۆ کوشتنی ژمارەیەکی زۆر لە کەسانی ئەمەریکایی.

لە یەکەمین ئاماژەیدا بە بۆنەی کۆشتنی قاسم سولێمانی ، فرماندەی فەیلەقی قودس ی ئێرانی سەرۆک دۆناڵد ترەمپ گوتی؛ ناوبراو بەرپرس بووە لە کوشتن و بریدارکردنی هەزاران ئەمەریکایی و هەروەها کەسانی دیکەش لە ناوچەکەدا.

سەرۆک ترەمپ گوتیشی دەبوایە قاسم سولێمانی چەندان ساڵ لەمەوبەر بکوژرایە.

ئەوەی جێی ئاماژەیە کوشتنی قاسم سولێمانی فرماندەی فەیلەقی قودس ی سوپای پاسدارانی ئێران دەبێتە مایەی روو لەهەڵکشانی گرژی و ئاڵۆزیەکانی نێوان ویلایەتەیەکگرتوەکانی ئەمەریکا و ئێران.

تاران لەمەڕ کوشتنەکەی قاسم سولێمانی هەڕەشەی تۆڵەسەندنەوەیەکی توند لە ئەمەریکا دەکات.

بەچەند کاتژمێرێک دوای هێرشە ئاسمانیەکەی ئەمەریکا ئەوەی قاسم سولێمانی و ئەبومەهدی ئەلموهەندیس لە فرۆکەخانەی بەغدا تێدا کوژران، دۆناڵد ترەمپ بە شێوەیەکی ناڕاستەوخۆ رەخنەی لە براک ئۆبامی سەرۆکی پێشوی ئەمەریکا گرت سەبارەت بە سیاسەتەکانی بەرامبەر تاران.

XS
SM
MD
LG