Accessibility links

پۆلیس بە گازی فرمێسکڕژێن وەڵامی خۆپیشاندرانی هۆنگ کۆنگ دەداتەوە


ڕۆژی شەممە لە میانەی پێکدادانەکانی ناوچەیەکی دووردەستی هۆنگ کۆنگ پۆلیس گازی فرمێسکڕژێنی بەکارهێنا لە کاتێکدا چەند هەزار چالاکوان کۆببونەوە بۆ ناڕەزایی دەربڕین دژ بە هێرشەکەی هەفتەی ڕابوردوو بۆ سەر خۆپیشاندەران و هاووڵاتیان لە بنکەیەکی شەمەندەفەر، کە گومان دەکرێت لەلایەن ئەندامانی دەستەیەکی تاوانکاری ئەنجام درابێت.

پۆلیس، کە بە شێوەیەکی گشتی ڕەخنەی لێ دەگیرێت بۆ ئەوەی نەیتوانیوە خەڵکی باشتر لە هێرشەکانی ئەو دەستەو تاقمە تاوانکاریانە بپارێزێت، ڕێگەی نەدا خۆپیشاندان لە ناوچەکە ئەنجام بدرێت بە بیانوی باری ئاسایش.

بەڵام خۆپیشاندەران فشارێکی زۆریان برد و بوو سەرەتا بە ئاشتیانە چەند هەزار کەس دەستیان پێکرد بەڵام لە پاش نیوەڕۆوە گرژی و ئاڵۆزی لە نێوان پۆلیس و خۆپیشاندەران لە چەندین شوێن ڕوویدا.

بەرد و بۆتل لەلایەن خۆپیشاندەرانەوە گیرایە پۆلیسی کە بەربەستیان دروست دەکرد لەسەر شەقامەکان. پاشان پۆلیس بە گازی فرمێسکڕژێن وەڵامی دایەوە.

XS
SM
MD
LG