Accessibility links

ژیاننامەی بوشی باوک، 41هەمین سەرۆکی وڵاتە یەکگرتووەکانی ئەمەریکا


چەند کات و ساڵێکی گرنگ لە ژیانی سەرۆکی پێشوی ئەمەریکا George H.W. Bush ناسراو بە بوشی باوک.

1924- جۆرج ‌H.W بوش لە 12 ی مانگی شەش لە میلتن ماساچوسێتس لە دایک بوو. ئەو کوڕی پریسکۆت و دۆرتی بوش بوو.

1941- چەند هەفتەیەک پاش هێرشەکانی ژاپۆن بۆ سەر پێرل هاربەر، بوش چاوی بە باربرا پایرس کەوت لە ئاهەنگێکی کرسمسدا.

1942- لەو ڕۆژەی بوو بە هەژدە ساڵ چووە ناو هێزی دەریایی ئەمەریکاوە.

1943- بوو بە گەنجترین فڕۆکەوانی سەر بە هێزی دەریایی.

1945- لە مانگی یەکدا ژیانی هاوسەرگیری لەگەڵ باربرا پێکهێنا لەو کاتەدا لە پشودا بوو، پاشان هەمان ساڵ لە مانگی 9 بەسەربەرزی لە هێزی دەریایی دەرچوو.

1948- لە زانکۆی یەڵ بڕوانامەی بەدەستهێنا و کارێکی لە پیشەسازی نەوت وەرگرت و خێزانەکەی گواستەوە بۆ تێکساس.

1952- بوو بە هاودامەزرێنەری زەپاتا پیترۆلیەم. باوکی بوش، پریسکات بوش وەکو نوێنەری کناتیکەت بۆ سیناتی ئەمەریکا هەڵبژێردرا.

1962- بوو بە سەرۆکی کۆمیتەی کۆمارییەکان لە ناوچەی هاریس. باوکیشی لە سینات خانەنشین بوو.

1964- خۆی بۆ ئەنجومەنی سیناتی ئەمەریکا کاندیدکرد، بەڵام سەرکەوتنی بەدەست نەهێنا.

1966- بۆ ئەنجومەنی نوێنەرانی ئەمەریکا هەڵبژێردرا.

1970- دەستبەرداری کورسی ئەنجومەنی نوێنەران بوو بۆ بەدەستهێنانی سینات بەڵام شکستی خوارد بەرامبەر لییۆید بێنسنی دیمکراتەکانەوە.

1971- لەلایەن سەرۆک ڕیچارد نیکسنەوە وەکو باڵیۆزی ئەمەریکا بۆ نەتەوە یەکگرتووەکان دەستنیشان کرا.

1974- لەلایەن سەرۆک جیراڵد فۆردەوە وەکو سەرۆکی بیرۆی ئۆفیسی ئەمەریکا لە چین دەستنیشان کرا.

1976- بوو بە سەرۆکی دەزگای زانیاری ئەمەریکا CIA.

1979- بەربژارێتی خۆی بۆ بوون بە سەرۆکی ئەمەریکا ڕاگەیاند.

1980- سەرکەوتوو نەبوو لە بوون بە کاندیدی کۆمارییەکان بۆ بوون بە سەرۆک، بەڵام وەکو جێگری ڕانۆڵد ڕەیگن دەستنیشان کرا. ڕەیگن و بوش سەرکەوتن بەسەر کارتەر و مۆندێڵی دیموکراتەکاندا.

1981- وەکو چلو سێهەمین جێگری سەرۆکی ئەمەریکا سوێندی یاسایی خوارد.

1987- ڕایگەیاند کە خۆی کاندید دەکات بۆ سەرۆکایەتی.

ساتەوەختی سوێندخواردنی سەرۆکایەتی
ساتەوەختی سوێندخواردنی سەرۆکایەتی

1989- بوو بە 41 هەمین سەرۆکی وڵاتە یەکگرتووەنی ئەمەریکا. لە 20ی مانگی 12 ئەمەریکا پانامای داگیر کرد، مانوێل نۆریگای دەستگیرکرد و هێنایە ئەمەریکا بۆ دادگایی کردنی بە تاوانی قاچاخچێتی بەنگ و موخەدەرات.

1991- وڵاتە یەکگرتووەکانی ئەمەریکا و هاوپەیمانەکانی ئۆپەراسیۆنێکی لەشکریان بۆ دەرکردنی هێزەکانی عێراقی لە کویەت دەستپێکرد. ئۆپەراسیۆنی بە ناوی گەردەلولی بیابان بە هێرشی ئاسمانی و بۆردومانەکانی هێزی دەریایی دەستیپێکرد و پاش پێنج هەفتە هێرشی زەمینی بەدوادا هات. ئاگربەست پاش 100 کاتژمێر لە دەستپێکردنی شەڕی زەمینی ڕاگەیەندرا.

1992- بوش بەربژارێتی خۆی بۆ خولی دووهەمی سەرۆکایەتی ڕاگەیاند. لە مانگی 11 ئەو شکستی خوارد بەرامبەر بە بیل کڵنتن.

2001- لە سوێندخواردنی سەرۆکایەتی جۆرج W بوشی کوڕی ئامادە بوو کە بوو بە 43 هەمین سەرۆکی وڵاتە یەکگرتووەکانی ئەمەریکا. ئەمەش یەکەم جار بوو پاش نزیکەی 200 ساڵ لە جۆن و جۆن قوینسی ئادەمس کوڕو باوکێک هەردوکیان هەڵبژێردرێن بۆ سەرۆکی ئەمەریکا.

2011- خەڵاتی ڕێزگرتنی سەرۆکایەتی کە گەورەترین خەڵاتی ڕێزگرتنی سڤیلیە لە وڵاتە یەکگرتووەکانی ئەمەریکا لەلایەن سەرۆک باراک ئۆباماوە پێبەخشرا.

2014- لە 90هەمین یادی ڕۆژی لە دایکبوونیدا بە پەرەشوت لە فڕۆکەوە خۆی هەڵدا ئەمەش هەشتەم جاری بوو ئەو کارە بکات لە ناویاندا لە یادی لەدایکبوونی 80 ساڵی و هەشتاو پێنج ساڵیشدا.

2018- لە 30ی مانگی 11 لە تەمەنی 94 ساڵیدا کۆچی دوایی کرد.

XS
SM
MD
LG