Accessibility links

سەرۆک ئۆباما پـێشوازی لە سەرۆک وەزیری هیندستان دەکات


سەرۆک ئۆباما لە کۆشـکی سـپی پـێشوازی لە نارێندرا مۆدی سەرۆک وەزیری هیندستان کرد و سەبارەت بە کۆمەڵێـک بابەتی هاوبەش وتووێژیان کرد.

کاربەدەسـتان لە کۆشـکی سپـی دەڵێن پاش نیوەڕۆی سێشەممە هەردوو ڕێبەر باسیان لە بابەتەکانی بەرگری لەشکری و گۆڕانی کەش‌وهەوا و وزە کردووە.

بڕیارە نارێندرا مۆدی ئەمڕۆ چوارشەممە لە کۆنگرێس وتارێـک پـێشکەش بکات و باسی پەیوەندیـیەکانی نێوان هەردوو وڵات بکات لەگەڵ سیاسەتەکانی وڵاتەکەی لە بەرامبەر بابەتە ناوخۆیی و جیهانیـیەکاندا. پاشان نێوەڕۆخوانێـکی بۆ سـازدەکرێت بە ئامادەبوونی ڕێبەرانی کۆنگرێس.

جێی ئاماژەیە لەوەتای ساڵی 1985 وە هیچ سەرۆک وەزیرێـکی هیندستان وتاری لە کۆنگرێس پـێشـکەش نەکردووە و هەروەها نارێندرا مۆدی دەبێتە پـێنجەیەمین سەرۆک وەزیری هیندسـتان لە کۆنگرێس وتار پـێشکەش بکات.

چەند ساڵێـکە واشنتن و نیودەلهی لە وتووێژدان بۆ گەیشـتن بە ڕێکەوتنێـک سەبارەت بە هاوکاری لۆجستی لەشکری.

XS
SM
MD
LG