Accessibility links

دادگایه‌کی تورکیا فه‌رمانی هه‌ڵگرتنی به‌ربه‌ستی سه‌ر توویته‌ر ده‌دات


ئاژانسی میدیای دۆگان و ئاژانسه‌کانی تری میدیای ئه‌و وڵاته‌ ده‌ڵێن دادگا فه‌رمانیداوه‌ به‌ ده‌سه‌ڵاتدارانی په‌یوه‌ندییه‌‌ ئه‌لکترۆنێکان به‌شێوه‌یه‌کی کاتی ده‌ستڕاگه‌یشتن به‌ توویته‌ر بگه‌ڕیننه‌وه‌. ئه‌م فه‌رمانه‌ی دادگا‌ دوا به‌دوای پێنج ڕۆژ له‌ داخستنی ئه‌و تۆڕه‌ کۆمه‌ڵایه‌تیه‌‌ له‌لایه‌ن حکۆمه‌ته‌وه‌ هاتووه.
ده‌سه‌ڵاتدارانی تورکیا ماڵپه‌ری توویته‌ریان تاوانبار کردبوو‌ به‌ پشت گۆی خستنی فه‌رمانه‌کان به‌ لابردنی بابه‌ته‌کانی ڕه‌خنه‌ له‌ حکومه‌ت ده‌گرێت. ئه‌و داخستنه‌ هاتوه‌ دوابه‌دوای ماوه‌یه‌کی کورت به‌سه‌ر هه‌ڕه‌شه‌کانی ره‌جه‌ب ته‌یب ئۆردوغانی سه‌رۆك وه‌زیری تورکیا به‌ ‌هه‌ڵکه‌نینی بناغه‌ی ئه‌و تۆڕه‌ کۆمه‌ڵایه‌تیه‌ که‌ بۆته‌ ڕێگه‌یه‌ك بۆ بڵاوکردنه‌وه‌ی شریته‌ تۆمارکراوه‌کان ئه‌وه‌ی گه‌نده‌ڵی حکومه‌ت نیشان ده‌دات. به‌ڵام زۆرینه‌ی خه‌ڵکی تورکیا ڕێگه‌ی تریان دۆزیوه‌ته‌وه‌ بۆ شکاندنی کۆدی ئه‌و به‌ربه‌سته‌ی سه‌ر توویته‌ر.
پارێزه‌ران و پارتی ئوپوزسێۆن داوایان له‌ دادگا کردبوو ئه‌و به‌ربه‌سته‌ی سه‌ر توویته‌ر هه‌ڵبگرن و به‌ ناقانونی و ناده‌ستووری له‌ قه‌ڵه‌م دابوو.
XS
SM
MD
LG