Accessibility links

دکتۆر فوئاد حسێن باسی سه‌ردانی سه‌رۆکی هه‌رێم بۆ شاری ئامه‌د ده‌کات


شه‌ممه‌ سه‌رۆکی هه‌رێمی کوردستانی عێراق له‌سه‌ر بانگهێشتی فه‌رمی سه‌ره‌ک وه‌ز‌یری تورکیا ڕه‌جه‌ب ته‌یب ئه‌ردوغان له‌ پاش 21 ساڵ سه‌ردانی‌ شاری ئامه‌د(دیاربه‌کر) ده‌کات و هه‌ردوو ڕێبه‌ر به‌شداری له‌ ئاهه‌نگی شایی و زه‌ماوه‌ندی ژماره‌یه‌کی زۆر له‌ کوڕان و کچانی کورد ده‌که‌ن. له‌ میانه‌ی گفتوگۆی له‌گه‌ڵ به‌شی کوردی ده‌نگی ئه‌مه‌ریکا، دکتۆر فوئاد حسێن سه‌رۆکی دیوانی سه‌رۆکایه‌تی هه‌رێم سه‌باره‌ت به‌ گرنگی ئه‌م سه‌ردانه‌ ده‌ڵێت: یه‌که‌م ئه‌م سه‌ردانه‌ فه‌رمییه‌ و گرنگه‌ که‌ دیداری نێوان سه‌رۆکی هه‌رێم و سه‌ره‌ک وه‌زیری تورکیا له‌ شاری ئامه‌د به‌ڕێوه‌ده‌چێت و هه‌ردوو ڕێبه‌ر به‌شداری له‌ شایی کوڕو کچی کورد ده‌که‌ن.
سه‌باره‌ت به‌ دڵگرانی ژماره‌یه‌ک له‌ کورده‌کانی تورکیا سه‌باره‌ت به‌و سه‌ردانه‌ له‌سه‌ر داوای سه‌ره‌ک وه‌زیری تورکیا، و ڕه‌خنه‌ی ئه‌وان که‌ کاتی خۆی بانگهێشتی سه‌رۆکی هه‌رێمیان بۆ ئامه‌د کردبوو، به‌ڵام سه‌ردانی نه‌کردوون، دکتۆر حسێن ده‌ڵێت ئێستا باره‌که‌ گۆڕاوه‌ و په‌یوه‌ندی هه‌رێم و تورکیا جیاوازه‌(باشتره‌). ئه‌و ده‌شڵێت ڕاسته‌ له‌ ئامه‌د دانیشتنی له‌گه‌ڵ سه‌ره‌ک وه‌زیر ده‌بێت به‌ڵام دیداری له‌گه‌ڵ خه‌ڵکی ئامه‌دیش ده‌بێت.
please wait

No media source currently available

0:00 0:08:07 0:00
Direct link
XS
SM
MD
LG