Accessibility links

سه‌رۆک ئۆباما له‌ گوشاره‌کانی بۆ سه‌ر کۆماریـیه‌کان به‌رده‌وامه‌ تاوه‌کو به‌ پـرۆژه‌ یاسای نوێی کۆچبه‌ری قایل بن


سه‌رۆک براک ئۆباما له‌ کۆشـکی سـپی له‌گه‌ڵ ڕابه‌رانی کارداری و بازرگانی کۆده‌بێته‌وه‌ بۆ درێژه‌دان به‌ گوشـارخستنه‌ سه‌ر کۆماریـیه‌کان، ئه‌وانه‌ی کۆنترۆڵی ئه‌نجومه‌نی نوێنه‌ران ده‌که‌ن، ئه‌مه‌ش تاوه‌کو یاسایه‌ک تێپه‌ڕێنن بۆ چاکسـازی له‌ سیسته‌می کۆچبه‌ری وڵاته‌ یه‌کگرتووه‌کانی ئه‌مه‌ریکادا.
له‌و باره‌یه‌وه‌ کۆشـکی سـپی ده‌ڵێت ڕابه‌رانی کارگێڕی و خاوه‌ن کارداریـیه‌کان ڕۆژی سێێشه‌ممه‌ له‌گه‌ڵ سه‌رۆک براک ئۆباما و جۆ بایدنی جێـگری سه‌رۆک کۆده‌بنه‌وه‌ بۆ پـشـتیوانیکردنیان له‌ یاساکه‌.
جێی ئاماژه‌یه‌ ئه‌نجومه‌نی سیناتی ئه‌مه‌ریکا هه‌نووکه‌ ئه‌و یاسایه‌ی په‌سه‌ندکردووه‌ که‌ له‌ لایه‌ن سه‌رۆک ئۆباماوه‌ پـشـتیوانی لێده‌کرێت و سنووره‌کانی وڵات ده‌پارێزێت و زه‌مینه‌ی بۆ به‌ هاوڵاتیبوونی 11 ملیۆن کۆچبه‌ر خۆشـده‌کات، ئه‌وانه‌ی به‌ نایاسایی هاتوونه‌ته‌ نێو وڵاته‌ یه‌کگرتووه‌کانی ئه‌مه‌ریکاوه‌، به‌ڵام ڕابه‌رانی کۆماریـیه‌کان گوتوویانه‌ ئه‌وان ڕێبازێـکی هێدی‌هێدی به‌ره‌و ئه‌و یاسایه‌ی سه‌رۆک ئۆبامایان لا په‌سه‌نده‌.
جێی ئاماژه‌یه‌ سه‌رۆک ئۆباما خوازیاره‌ به‌ر له‌ کۆتایی ئه‌مساڵ ئه‌نجومه‌نی نوێنه‌ران کار له‌سه‌ر ڕێبازێـکی گشـتگیر بۆ ئه‌م مه‌به‌سته‌ بکات.
XS
SM
MD
LG