Accessibility links

وه‌زاره‌تی به‌رگری پـیاداچوونه‌وه‌ به‌ هه‌موو ڕێوشوێنه‌ ئاسایشیـیه‌کانی ده‌زگاکانی ده‌کات


وه‌زیری به‌رگری ئه‌مه‌ریکا چه‌ک هێگڵ فه‌رمانی داوه‌ پـیاداچوونه‌وه‌ به‌ ڕێوشوێنه‌ ئاسایشیـیه‌کانی هه‌موو داموده‌زگاکانی وه‌زاره‌تی به‌رگری ئه‌مه‌ریکا بکرێت، ئه‌مه‌ش دوابه‌دوای ڕووداوه‌که‌ی ڕۆژی دووشه‌ممه‌ی ناو باره‌گای هێزی ده‌ریایی ئه‌مه‌ریکا که‌ تیایدا 13 که‌س کوژران.
چه‌ک هێـگڵ ڕۆژی چوارشه‌ممه‌ گوتی به‌ هه‌موو شتێـکدا ده‌چنه‌وه‌ هه‌تا بزانن له‌ کوێدا که‌موکوڕی هه‌یه‌ نه‌یهێڵن.
چه‌ند لیژنه‌یه‌کی سه‌ربه‌خۆ و له‌شـکریش پـیاداچوونه‌وه‌ به‌ ڕێنمایـیه‌کانی چۆنێتی پـێدانی مۆڵه‌تی کارکردن له‌ به‌شه‌کانی وه‌زاره‌ته‌که‌دا ده‌که‌ن.
جێی ئاماژه‌یه‌ ئارن ئه‌لێگزیس، ئه‌وه‌ی ڕۆژی دووشه‌ممه‌ کوشـتنکاریـیه‌که‌ی ئه‌نجامدا به‌ ناسـنامه‌یه‌کی ڕاست و دوروست خۆی به‌ باره‌گاکه‌دا کردبوو، ئه‌مه‌ش له‌ کاتێـکدا له‌ مانگی هه‌شته‌وه‌ چاره‌سه‌ری ده‌روونی بۆ ده‌کرا.
ده‌زگای لێـکۆڵینه‌وه‌ی فیدراڵی FBI ده‌ڵێت ئارن ته‌نها به‌خۆی هێرشه‌که‌ی کردووه‌، به‌ڵام هێشـتا نازانرێت هۆکاره‌که‌ی چی بووه‌.
XS
SM
MD
LG