Accessibility links

پـوتن: په‌یوه‌ندیـیه‌کانی ڕووسیا و ئه‌مه‌ریکا له‌ سنۆدن گرنگتره‌


سه‌رۆکی ڕووسیا ڤلادیمیر پـوتن ده‌ڵێت ڕێگه‌ نادات مه‌سه‌له‌ی ئێدوارد سنۆدن کارمه‌ندی پـێشـووی ده‌زگای ئاسایشی نیشـتیمانی ئه‌مه‌ریکا په‌یوه‌ندیـیه‌کانی وڵاته‌که‌ی له‌گه‌ڵ ئه‌مه‌ریکادا تێـکبدات.
ڕۆژی چوارشه‌ممه‌ له‌ میانه‌ی سه‌ردانێکیدا بۆ شـاری چیتا له‌ ڕۆژهه‌ڵاتی سایبیریا، له‌ لایه‌ن ڕۆژنامه‌وانانه‌وه‌ پـرسیاری لێـکرا، ئایه‌ مه‌سه‌له‌ی سنۆدن کارده‌کاته‌ سه‌ر ئه‌و کۆبوونه‌وه‌ لوتکه‌یی‌یه‌ی بڕیاره‌ له‌ مانگی نۆدا له‌ مۆسـکۆ له‌ ‌نێوان هه‌ردوو وڵاتدا سـازبکرێت؟. پـوتنیش له‌ وه‌ڵامدا گوتی " به‌ بۆچوونی من په‌یوه‌ندیـیه‌ دووقۆڵیـیه‌کانی نێوانمان زۆر گرنگتره‌ له‌و ئاڵۆزیـیه‌ی له‌ نێوانماندا هه‌یه‌ سه‌باره‌ت به‌ چالاکیـیه‌کانی ده‌زگا هه‌واڵگری و زانیاریـیه‌کاندا."
گوتیشی ئاگاهیـیان به‌ سنۆدن داوه‌ کارێـک نه‌کات زیان به‌ په‌یوه‌ندیـیه‌کانی نێوان ڕووسیا و ئه‌مه‌ریکا بگه‌یه‌نێت، به‌ گوته‌ی خۆی ئه‌وه‌ جێگه‌ی قبوڵ نیـیه‌، چونکه‌ پاراستنی په‌یوه‌ندیـیه‌کان له‌گه‌ڵ ئه‌مه‌ریکا "ئامانجێـکی نیشـتیمانیـیه‌".
XS
SM
MD
LG