بڕیاره‌ کاربه‌ده‌سـتانی ئه‌مه‌ریکا و چین وتووێژ له‌ باره‌ی مه‌سه‌له‌ ئابوریـیه‌کان بکه‌ن

کاربه‌ده‌سـتانی باڵای ئه‌مه‌ریکا و چین ڕۆژی پـێـنجشه‌ممه‌ له‌ واشنتن بۆ دووه‌م و دوا ڕۆژ کۆده‌بنه‌وه‌ به‌ مه‌به‌سـتی وتووێژکردن له‌ باره‌ی مه‌سه‌له‌ سـتراتیژی و ئابوریـیه‌کاندا.
هه‌ردوولا ڕۆژی چوارشه‌ممه‌ توانیان به‌ ڕێـکه‌وتن بگه‌ن بۆ هاوکاری زیاتری نێوانیان بۆ که‌مکردنه‌وه‌ی ده‌رهاوێژه‌ گازیـیه‌کان و پـیسبوونی هه‌وا. چاوه‌ڕوان‌ده‌کرێت له‌ وتووێژه‌کانی پـێـنجشه‌ممه‌ سه‌نگی بخرێته‌ سه‌ر مه‌سه‌له‌ ئابوریـیه‌کان.
جێی ئاماژه‌یه‌ سـاڵانه‌ وتووێژی له‌م جۆره‌ له‌ نێوان ئه‌مه‌ریکا و چین به‌ڕێوه‌ده‌چێت و تیایدا تاووتووێی مه‌سه‌له‌کانی جێی هاوکاری و ناکۆکی نێوانیانن ده‌که‌ن.