Accessibility links

کۆمه‌ڵێـکی سه‌له‌فی له‌ سلێمانی ڕێگه‌ له‌ وتاربێژی مزگه‌وتێـک ده‌گرن


له‌ مزگه‌وتێـکی شـاری سلێمانی هه‌رێمی کوردسـتانی عێراق، گروپـێـکی سه‌له‌فی ڕێگه‌ له‌ مامۆسـتایه‌کی ئاینی ده‌گرن‌ له‌ نوێژی هه‌ینیدا قورئان بخوێنێته‌وه‌. پاشـان له‌ نێوان ئه‌و گروپه‌ و کۆمه‌ڵێـک له‌ نوێژکه‌ران ده‌بێته‌ شه‌ڕ و هێزه‌کانی پـۆلیسیش 9 که‌س ده‌سـتگیرده‌که‌ن.
نه‌قیب سه‌رکه‌وت ئه‌حمه‌د گوته‌بێژی پـۆلیسی سلێمانی له‌ کۆنگره‌یه‌کی ڕۆژنامه‌وانیدا باسی له‌ ڕووداوه‌که‌ کرد و گوتی نیوه‌ڕۆی ئه‌مڕۆ هه‌ینی له‌ مزگه‌وتی جه‌مالی حاجی عه‌لی له‌و ده‌مه‌ی وتاربێژی مزگه‌وته‌که‌ قورئانی ده‌خوێند، گروپـێـکی گه‌نجی سه‌له‌فی ڕێگه‌یان لێـگرتووه‌ قورئان خوێندنه‌که‌ی ته‌واو بکات و بڵندگۆکانیان کوژانۆته‌وه‌، ئه‌مه‌ش ناڕه‌زایی ژماره‌یه‌ک له‌ نوێژکه‌رانی لێ‌که‌وته‌وه‌ و شه‌ڕ له‌ نێوان هه‌ردوو لادا دروسـتبوو. پاشان هێزه‌کانی پـۆلیس گه‌یشـتنه‌ شوێنه‌که‌ و 9 که‌سیان له‌ سه‌له‌فیـیه‌کان ده‌سـتگیرکرد.
جێی ئاماژه‌یه‌ ناڕه‌زایی سه‌له‌فیـیه‌کان له‌وه‌وه‌ سه‌رچاوه‌ی گرتووه‌ که‌ وه‌زاره‌تی ئه‌وقاف مامۆسـتایه‌کی نوێی ئاینی بۆ مزگه‌وته‌که‌ ده‌سـتنیشانکردووه‌.
please wait

No media source currently available

0:00 0:01:49 0:00
Direct link
XS
SM
MD
LG