ئه‌ندامێـکی شـارۆچکه‌ی ڕیازی خوار شـاری که‌رکوک ده‌کوژرێت و هێزه‌کانی حکومه‌ت ژماره‌یه‌ک هاوڵاتی ده‌ستگیرده‌که‌ن

له‌ هێرشێـکی چه‌کداریدا له‌ سنووری شـارۆچکه‌ی ڕیازی سه‌ر به‌ پارێزگای که‌رکوک، ئه‌ندامێـکی ئه‌نجومه‌نی شـارۆچکه‌که‌ کوژرا و ئه‌ندامێـکی دیکه‌ برینداربوو.
به‌پـێی سه‌رچاوه‌یه‌کی فه‌رمی هێزه‌کانی ناوخۆی که‌رکوک، کۆمه‌ڵێـکی چه‌کدار له‌ نێو ئۆتۆمبیلێـکه‌وه‌ هێرشیان کردووه‌ته‌ سه‌ر ئۆتۆمبیلی ئه‌و دوو ئه‌ندامه‌ی شـارۆچکه‌که‌ له‌سه‌ر ڕێگای گشـتی له‌ نزیک گوندی خه‌به‌ر عه‌زیز، له‌ ئه‌نجامدا عه‌بدوڵڵا محه‌مه‌د ئه‌ندامی ئه‌نجومه‌نی شـارۆچکه‌که‌ کوژرا و ئه‌ندامه‌که‌ی تر برینداربوو.
پاش ئه‌و ڕووداوه‌ هێزه‌کانی عێراق ده‌سـتیان به‌ هه‌ڵمه‌تێـک له‌ گوندی خه‌به‌ر عه‌زیز کرد و ژماره‌یه‌ک هاوڵاتیـیان ده‌سـتگیرکرد.
له‌م باره‌یه‌وه‌ له‌تیف نێروه‌یی په‌یامنێری ده‌نگی ئه‌مه‌ریکا وتووێژی له‌گه‌ڵ ڕۆژنامه‌وان عومه‌ر غه‌ریب له‌ شـاری که‌رکوک سـازکردووه‌ و ڕاپـۆرتێـکی له‌سه‌ر ئاماده‌کردووه‌.