Accessibility links

دوو ته‌قینه‌وه‌ له‌ شـاری بۆستنی ویلایه‌تی ماسه‌چوسێتس ڕووده‌دات و 3 که‌س ده‌کوژرێن


پاش نیوه‌ڕۆی ئه‌مڕۆ دووشه‌ممه‌ دوو ته‌قینه‌وه‌ی به‌هێز مه‌یدانی کاپـلی شـاری بۆسـتنی ویلایه‌تی ماساچوسێتس هه‌ژاند و هه‌تا ئاماده‌کردنی ئه‌م هه‌واڵه‌ 3 که‌س کوژراون و 140که‌سیش برینداربوون.
ڕووداوه‌که‌ له‌و ده‌مه‌دا بووه‌ که‌ یاری ماراثۆنی سـاڵانه‌ی بۆستن له‌و ناوچه‌یه‌ به‌ڕێوه‌ده‌چوو و‌ تیایدا زیاتر له‌ 27 هه‌زار که‌س به‌شـداریـیان کردبوو.
پـۆلیس بۆستن هێشـتا ناڵێت ئایا هێرشه‌که‌ تێرۆرسـتی بووه‌ یان نا.
به‌ڕێوه‌به‌رایه‌تی هاتوچۆی ئاسـمانی فیدارڵی به‌ شێوه‌یه‌کی کاتی فه‌رمانی کردووه‌ هیچ فڕۆکه‌یه‌کی سیڤیلی به‌ ئاسمانی شوێنی ته‌قینه‌وه‌کاندا نه‌فڕێت.
هاوکات هێزه‌کانی ئاسایش له‌ شـاری نیویۆرک و ناوچه‌ گرنگه‌کانی دیکه‌ وڵاته‌که‌ زیاتر ڕێوشوێنی توندی ئاسایشیـیان گرتووه‌ته‌به‌ر.
XS
SM
MD
LG