Accessibility links

سه‌رۆک ئۆباما ئه‌مشه‌و وتاری سـاڵانه‌ی خۆی پـێشـکه‌ش ده‌کات


چاوه‌ڕوان‌ده‌کرێت سه‌رۆک ئۆباما له‌ وتاری سـاڵانه‌ی خۆیدا جه‌خت‌بخاته‌ سه‌ر ئابوری وڵات و خولقاندنی کار و پـیشه‌ به‌ر له‌وه‌ی به‌شـداربێت له‌ کۆبوونه‌وه‌یه‌کی هاوبه‌شی کۆنگرس له‌ ئێواره‌ی ئه‌مڕۆ سێشه‌ممه‌.
یاریده‌درانی باڵای به‌ڕێوه‌به‌رایه‌تی سه‌رۆک ده‌ڵێن به‌ڕێز ئۆباما داوا له‌ یاسادانه‌ران ده‌کات به‌رنووسی بڕیارێـک په‌سه‌ندبکه‌ن بۆ وه‌گڕخسـتنی سه‌رمایه‌ له‌ ژماره‌یه‌ک له‌ پـرۆژه‌کانی که‌ ئابوری ده‌بوژێنێته‌وه‌، ئه‌وانه‌ش بریتین له‌ پـرۆژه‌کانی ژێرخانی ئابوری و توێژینه‌وه‌ و په‌روه‌رده‌.
وه‌ها چاوه‌ڕوانده‌کرێت سه‌رۆک هه‌روه‌ها ئابوری به‌ کێشه‌کانی گۆڕانکاری که‌ش‌وهه‌وا بـبه‌سـتێته‌وه‌ و داوای سه‌رفکردنی پاره‌ بۆ پـرۆژه‌کانی وزه‌ی خاوێن بکات.
به‌ڕێز ئۆباما هه‌روه‌ها داوا له‌ کۆنگرس ده‌کات به‌رنووسی یاسایه‌ک له‌سه‌ر دوو کێشه‌ی گرنگ په‌سه‌ندبکه‌ن که‌ بووه‌ته‌ مایه‌ی مشتومڕ له‌ کۆنکرسـدان ئه‌ویش کۆنترۆڵکردنی چه‌ک و چاکسـازی له‌ یاساکانی کۆچبه‌ری.
XS
SM
MD
LG