دانیشتووانی ویلایه‌ته‌کانی باکوری ڕۆژهه‌ڵاتی ئه‌مه‌ریکا چاوه‌ڕێی به‌رفربارینێـکی سه‌خت ده‌که‌ن

دانیشـتووانی 9 ویلایه‌ته‌کانی باکوری ڕۆژهه‌ڵاتی وڵاته‌ یه‌کگرتووه‌کانی ئه‌مه‌ریکا خۆیان بۆ که‌ش‌وهه‌وایه‌کی ناهه‌موار ئاماده‌ده‌که‌ن، وه‌ک که‌شـناسان ده‌ڵێن سه‌خترین کڕێوه‌ و به‌فربارین ده‌بێت له‌ ماوه‌ی 25 سـاڵدا.
ده‌زگای چاودێری که‌ش‌وهه‌وای ئه‌مه‌ریکا هوشـداری به‌فربارینێـکی زۆری داوه‌ له‌ ویلایه‌ته‌کانی نیویۆرک و مه‌ین و ماسه‌چووسس و نیوهامشه‌ر و ڤێرمۆنت و نیوجێرزی و په‌نسلڤانیا و که‌نتیکیت و ڕۆد ئایلاند. ده‌ڵێت دوو شه‌پـۆلی سه‌رما به‌سه‌ر ئه‌و ویلایه‌تانه‌ یه‌کده‌گرن و ده‌بنه‌ مایه‌ی به‌فربارینێـکی چڕ، چاوه‌ڕوان‌ده‌کرێت به‌یانی شه‌ممه‌ به‌فره‌ زۆره‌که‌ بـبارێت.
پـێشبینی ده‌کرێت پله‌کانی گه‌رما زۆر نزم بـبنه‌وه‌ و بایه‌کی سـارد به‌ خێرایی 100 کیلۆمه‌تر له‌ کاژمێرێـکدا هه‌ڵبکات و 60 سانتیمه‌تر به‌فر له‌ شـاری بۆستن بـبارێت و له‌ شـاری نیویۆرکیش 30 سـانتیمه‌تر.
هه‌ر له‌ ئه‌مڕۆ هه‌ینیـیه‌وه‌ خوێندنگه‌کانی ئه‌م ویلایه‌تانه‌ داخران و خه‌ڵـکی ڕیزی درێژیان له‌ به‌رده‌م به‌نزینخانه‌کاندا به‌سـتووه‌ و هه‌روه‌ها که‌وتوونه‌ته‌ کڕینی ئاو و خۆراک و پـێداویسـتیـیه‌کانی دیکه‌ باری نائاسایی.
هێڵه‌ ئاسـمانیـیه‌کانیش هه‌تا ئێسـتا زیاتر له‌ 3 هه‌زار گه‌شتی ئاسـمانیـیان هه‌ڵوه‌شـاندۆته‌وه‌.
جێی وه‌بیرهێنانه‌وه‌یه‌ سـاڵی 1978 شه‌پۆلێـکی وه‌ها گه‌وره‌ی به‌فربارین ئه‌م ویلایه‌تانه‌ی گرته‌وه‌. هه‌ر له‌ شـاری بۆستن 69 سانتیمه‌تر به‌فر باری.