وێنەیەکی هەردوو سەرۆکی ئەمەریکا و تورکیا کە ڕۆژی دووشەممە لە میانەی کۆبوونەوەی ڕێبەرانی ناتۆ لە برۆکسل گیرا، کاردانەوەی زۆری بە دوای خۆیدا هێنا، بە تایبەتی لە ناو تورکیا کە بەشێکی زۆری تورکەکانی توڕە کرد.
بەشێک لە خەڵکی وەها لە وێنەکەیان ڕوانی وەک ئەوەی سەرۆکی تورکیا دەستی سەرۆکی ئەمەریکا ماچ بکات، بەڵام لە ڕاستیدا لەو ساتەدا وێنەکە گیرابوو کە سەرۆک بایدن و ڕەجەب تەیب ئەردۆغان سڵاویان لە یەکتر دەکرد.
کەسێک بە ناوی گۆکهان لە تویتەرەکەی ڕەخنە لە وێنەکە دەگرێت و دەڵێت جێی شەرمە وەها وێنابکرێت وەک ئەوەی ئەردۆغان دەستی بایدن ماچ دەکات. ناڕەزاییش دەردەبڕێت لە بەرامبەر بڵاوکردنەوە وێنەکە لە ڕۆژنامەی جمهوریەت.
Nekadar sevmesemde Cumhuriyet gazetesinin İnternet sitesi Manşetine Sanki Erdoğan Biden%27in elini öpüyormuş gibi çekilen fotoğrafı koyarak algı oluşturmaya çalışması Namussuzluktur. pic.twitter.com/ku8eEzWsIK
— Gökhan Culha (@CulhaGokhan) June 14, 2021
پـرۆفیسۆر ئیحسان یڵمز کە تورکێکی دانیشتووی ئوسترالیایە، لەسەر تویتەرەکەی بە شێویەکی گاڵتەئامێز لەسەر وێنەکە نووسیویەتی "باوکە لەسەر هەڵەکانم لێم ببوورە."
Forgive me father for I have sinned 😀 pic.twitter.com/9UOLMJEMS9
— Ihsan Yilmaz (@ihsanylmz) June 14, 2021
توگای بەگ کە پارێزەرێکی تورکە ئەویش ڕەخنە دەگرێت و وێنەکەی داناوە لەگەڵ وێنەیەکی کۆنی بۆڵەنت ئەجەوێد سەرۆک وەزیری پـێشووتری تورکیا کە لە کۆشکی سپی لەگەڵ بێل کلنتن سەرۆکی ئەو سەردەمەی ئەمەریکا کۆبووەتەوە.
Yılarca Ecevit%27in anlık bir pozu üzerinde tepinenler, çok daha kötü bir durumda yakalandı. pic.twitter.com/ln02oiks8y
— Tugay Bek (@avtugaybek) June 14, 2021
فەخرەدین ئاڵتون، بەڕێوەبەری پەیوەندیـیەکانی سەرۆکایەتی تورکیا لە تویتەرەکەی ڤیدیۆی ساتی وێنەکەی بڵاوکردووەتەوە و پـیشانی دەدات کە چۆن هەردوو سەرۆک سڵاو لە یەکتر دەکەن.
The President had a friendly chat with President Biden at the NATO summit today. The two leaders will meet again shortly to discuss bilateral and regional issues. pic.twitter.com/V4MwSrtFgi
— Fahrettin Altun (@fahrettinaltun) June 14, 2021
هەردوو سەرۆک بۆ ماوەی 45 خولەک لە پشت دەرگای داخراو کۆبوونەوە و جگە لە وەرگێڕەکانیان کەسی دیکە لە ژورەکەدا ئامادە نەبوو. بەپـێی ڕاگەیاندنی سەرۆک بایدن و هەروەها ڕەجەب تەیب ئەردۆغان کۆبوونەوەیەکی زۆر باشیان ئەنجامداوە.
لە لایەکی دیکەوە ڕەخنەیەکی تر لە ئەردۆغان گیرا بەوەی زمانی ئینگلیزی نازانێت، ئەویش کاتێک بە زمانی ئینگلیزی داوا لە ڕێبەرانی ناتۆ کرا ڕووی خۆیان وەربگێڕن، هەموو ڕێبەرانی ناتۆ ڕوویان وەرگێڕا تەنیا ئەو لە شوێنی خۆی نەجوڵا هەتا ئەو کاتەی هەستی کرد هەموو ڕوویان وەرگێڕاوە.
کەسێک بە ناوی ئەمەکچی بۆی نووسیوە" تاقیکردنەوەی سەرۆک ئەردۆغان لە زمانی بیانیدا."
Cumhurbaşkanı Erdoğan%27ın yabancı dil ile imtihanı 🤔pic.twitter.com/Zh4mQZhkeR#14Haziran Almanca/Biden/#NATO
— Emekçi GENÇ (@sigortasizisci) June 14, 2021