کاربەدەستان دەڵێن لەشکری ئەمەریکا ئەبو بەکر بەغدادی ڕێبەری داعشی کردووەتە ئامانج و پـێدەچێت کوژرابێت.
دانۆڵد ترامپ سەرۆکی ئەمەریکا لەسەر تویتەرەکەی نووسیویەتی" هەر ئێستا شتێکی زۆر گرنگ ڕوویدا."
Something very big has just happened!
— Donald J. Trump (@realDonaldTrump) October 27, 2019
هۆگن گێدلی جێگری سکرتێری ڕاگەیاندنی کۆشکی سپی گوتی سەرۆک ترامپ بەیانی یەکشەمە لە کاتژمێر 9 وتارێکی گرنگ پـێشکەش دەکات.
کاربەدەستێک بە ئاژانسی دەنگو باسی ڕۆیتەرزی گوتووە ئەبوبەکر بەغدادی کراوەتە ئامانج. کاربەدەستەکە هیچ وردەکاری زیاتری نەداوە. بەڵام ماڵپەڕی نیوزویکی ئەمەریکایی دەڵێت گەورە کاربەدەستێک لە وەزارەتی بەرگری کە ئاگاداری ئۆپەراسیۆنەکە بووە و هەروەها کاربەدەستێکی لەشکری پـێیان گوتوون بەغدادی لە پارێزگای ئیدلبی باکوری ڕۆژئاوای سوریا کراوەتە ئامانج لە ئۆپەراسیۆنێکی ئێجگار نهێنیدا و زۆر لەو بڕوایەدان کوژرابێت.
بەپـێی ماڵپەڕەکە ماوەی هەفتەیەکە سەرۆک ترامپ لەسەر ئۆپەراسیۆنەکە ڕازی بووە و دوای ئەنجامدانی ئۆپەراسیۆنەکە سەرۆک ترامپ لەسەر تویتەرەکەی نووسی.
ڕاپـۆرتەکان باس لەوە دەکەن ژمارەیەک هەلیکۆپتەری لەشکری ئەمەریکا شەوی شەممە بەسەر ئاسمانی ئیدلیبدا بینراون.
ڕۆژنامەوان کەیتی ولیەمس لەسەر تویتەرەکەی نووسیویەتی سەرچاوەیەک پـێی گوتووە پـێدەچێت بەغدادی خۆی تەقاندبێتەوە.
Baghdadi is believed to have detonated his suicide vest, killing himself, @DefenseOne has learned.
— Katie Bo Williams (@KatieBoWill) October 27, 2019
لیز سلای بەرپـرسی ئۆفیسی واشنتن پـۆست لە بەیرووت ڤیدیۆیەکی بڵاوکردووەتەوە و دەڵێت بەپـێی ڕاپـۆرتەکان تەقەی کاتی ئۆپەراسیۆنەکەیە.
Video purporting to show gunfire that erupted during the US raid in Idlib in Syria. Many reports are saying the target was Baghdadi and he may be dead. pic.twitter.com/b8CguyZstN
— Liz Sly (@LizSly) October 27, 2019
بەپـێی سەرچاوە خۆجێـیەکان ئۆپەراسیۆنەکە کراوەتە سەر بارەگای گروپی ناسراو بە حوراس ئەلدین کە دەکەوێتە نێوان قەلب لۆزە و باریشا لە باکوری ڕۆژئاوای پارێزگای ئیدلیب کە نزیکەی 15 کیلۆمەتر لە سنووری تورکیاوە دورە.
محەمەد ڕەشید ڕۆژنامەوانی گروپەکانی سەر بە تورکیا چەند ڤیدیۆیەکی بڵاوکردووەتەوە و دەڵێت شوێنی هێرشەکەی شەوی شەممەیە.
فيديو يوضح مكان الغارات التي إستهدفت قرية باريشا بريف إدلب الشمالي ليلا برشاشات الطيران المروحي وغارات من طائرات حربية. pic.twitter.com/6tJJ7CmyKE
— Mohamad Rasheed محمد رشيد (@mohmad_rasheed) October 27, 2019
وێنەی سەتەلایتی شوێنی ئۆپەراسیۆنەکە:
Footage from the morning after matches https://t.co/7n2LNJdMFg pic.twitter.com/3Td9vWkxLO
— Ryan O%27Farrell (@ryanmofarrell) October 27, 2019