ئۆکرانیا دەڵێت بڕیارەکەی ڕووسیا سەبارەت بە گەنمی ئۆکرانیا پێویستی بە وەڵامدانەوەیەکی بەهێزی نێودەوڵەتی هەیە

سەرۆکی ئۆکرانیا ڤلۆدیمیر زێلێنسکی دەڵێت بڕیارەکەی ڕووسیا بۆ هەڵوەشاندنەوەی ڕێکەوتنی هەناردەکردنی گەنمی ئۆکرانیا لە دەریای ڕەش پێویستی بە وەڵامدانەوەیەکی بەهێزی نەتەوە یەکگرتووەکان و وڵاتانی کۆمەڵەی بیست هەیە.

سەرۆکی ئۆکرانیا ڤلۆدیمیر زێلێنسکی لە وتارێکدا ڕووسیای تۆمەتبار کرد بە تۆمەتی دروستکردنی برسێتییەکی دەستکرد لە ئەفریقا و ڕۆژهەڵاتی ناوەڕاست و باشووری ئاسیا.

جێی ئاماژەیە لە ماوەی ڕابردوودا ڕووسیا ڕایگەیاند ڕێکەوتنی هەناردەکردنی گەنمی ئۆکرانیا لە بەندەرەکانییەوە لە دەریای ڕەش هەڵدەوەشێنێتەوە کە نەتەوە یەکگرتووەکان نێوەندگری تیادا کردبوو، هۆکارەکەشی گەڕاندەوە بۆ " هێرشی فڕۆکە بێفڕۆکەوانەکانی ئۆکرانیا بۆ سەر کەشتیگەلی ڕووسیا لە نیمچە دوورگەی کرایمیا."

سەرچاوە/ ڕۆیتەرز