وابڕیارە 11 چالاکەوانی مافی مرۆڤ ئەمڕۆ لەبەردەم دادگای تورکیدا دادگایی بکرێن بەهۆی تۆمەتی پەیوەندییانەوە بە تیرۆرەوە کە ئەمەش نیگەرانییەکی زۆری خستۆتەوە لە وڵاتانی ڕۆژئاوادا و یەکێکە لە خاڵە ناکۆکیی لەسەرەکانی نێوان ئەنقەرە و ئەوروپا.
چالاکەوانەکان کە بەڕێوبەری ڕێکخراوی ئامنستی لقی تورکیا و هاوڵاتییەکی ئەڵمانی و هاوڵاتییەکی سویدیشی تێدایە ڕووبەڕووی سزای زیندانیکردن دەبنەوە بۆ ماوەی 15 ساڵ بە تۆمەتی ئەوەی گوایە پەیوەندییان هەیە بە ڕێکخراوە تیرۆریستیە چەکدارییەکانەوە و یارمەتییان پێشکەشی ئەو ڕێکخراوانە کردووە.
وا بڕیارە یەکەم دانیشتن لە کاتژمێر 10 ی بەیانی بە کاتی ناوخۆ ئەنجام بدرێت. لەنێو چالاکەوانە دەستگیرکراوەکاندا بەڕێوبەری ڕێکخراوی ئامنستی نێودەوڵەتی ئیدیل ئیسیری تێدایە و هەروەها پیتەر فرانک شتودنەری ئەڵمانی و علی گروی سویدیشی تێدایە.
سەرچاوە/ ڕۆیتەرز