سەرۆک وەزیری تورکیا سەردانی شاری ماردین دەکات

سەرۆک وەزیری تورکیا دەڵێت حکومەتەکەی پـلانێـکی نوێی هەیە بۆ بەهێزکردنی باری ئاسایش و ئاوەدانکردنەوەی ناوچە کوردیـیەکان.

ئەحمەد داوود ئۆغڵو ئەمڕۆ هەینی سەردانی شاری ماردینی کرد و لەوێ وتارێـکی پـێشـکەشکرد و تیایدا گوتی پـلانەکەیان کۆمەڵێـک هەنگاوی گەورە لەخۆدەگرێت، لەوانە هەندانی وەبەرهەمهێنان لە ناوچەکە و پشـتیوانیکردن لە جوتیاران و کار و کۆمپانیا بچوک و مامناوەندەکان.

بەپـێی ڕاپـۆرتەکان حکومەتی تورکیا 26.5 ملیار لیرەی تورکی بۆ پلانەکە تەرخانکردووە کە دەکاتە نزیکەی 9 ملیار دۆلار.

ئۆغڵو باسی لە پارتی کرێکارانی کوردسـتانیش کرد و گوتی هەتا چەکەکانیان دانەنێن، ئەوا هیچ بوارێک بۆ وتووێژکردن لەگەڵیاندا نیـیە.

گوتیشی هیچ شتێک نابێت بە ناوی هەرێمی خۆسەری و تەنها یەک وڵات و یەک پاشە ڕۆژ هەن.

خەجیجان فارقین پەیامنێری دەنگی ئەمەریکا لە ئامەد ڕاپـۆرتی لەبارەی سەردانەکەی ئۆغڵو ناردووە.

ڕاپـۆرتی خەجیجان فارقین