بەرەبەیانی ئەمڕۆ سێشەممە شەڕ و پێـکدادان لە نێوان چەکدارانی سۆتۆرۆی سەر بە حکومەتی ئەسەد و ئاسایشی کوردی لە ناوچەیەکی شاری قامیشلو ڕوویدا و لە ئاکامدا 2 چەکداری سۆتۆرۆ کوژران و 5 چەکداری دیکەیان برینداربوون. هەروەها 2 ئەندامی هێزەکانی ئاسایشیش برینداربوون.
بەپـێی لێدوانی ئاسایش، شەڕەکە هەڵگیرسا بەهۆی چەکدارانی سۆتۆرۆ کە هەوڵیان دابوو بەربەسـت لەسەر جادە و شەقامەکانی گەڕەکی ئەلوستا دابنێن و هێزەکانی ئاسایشیش ڕێگەیان پـێ نەدابوون ئەم کارە بکەن، چەکدارەکانی سۆتۆرۆش لە بەرامبەردا تەقەیان لە هێزەکانی ئاسایش کردبوو و ئاسایشیش وەڵامی داونەتەوە و بۆ ماوەی 2 کاژمێر شەڕ و پـێـکدادان درێژەی کێشابوو.
جێی ئاماژەیە لە قامیشلۆ دوو هێزی چەکداری کریستیان هەن، یەکێکیان سەر بە حکومەتی ئەسەدە و ئەوی دیکەیان لایەنگری یەپەگە و ئاسایشی کوردین.
زانا عومەر پەیامنێری دەنگی ئەمەریکا لە قامیشلۆ ڕاپـۆرتی لەم بارەیەوە ناردووە.
Your browser doesn’t support HTML5
ڕاپـۆرتی زانا عومەر