شازادە فیلیپی بەریتانیا کۆچی دوایی کرد

کۆشکی باکینگهام ڕایگەیاند شازادە فیلیپ ئەمڕۆ بەیانی هەینی لە کۆشکی وینزەر لە ڕۆژئاوای شاری لەندەن لە تەمەنی 99 ساڵی کۆچی دوایی کرد.

خێزانی شاهانە لە ڕێگەی تویتەرەکەیەوە هەواڵەکەی ڕاگەیاند و نووسیویەتی" بە داخ و پەژارەیەکی زۆرەوە، خاوەن شکۆی شاژن هەواڵی مەرگی هاوسەری خۆشەویستی شازەد فیلیپی شاهانەی، دوکی ئەدنبەرە ڕادەگەیەنێت. بەیانی ئەمڕۆ لە کۆشکی وینزەر کۆچی دوایی کرد."

It is with deep sorrow that Her Majesty The Queen has announced the death of her beloved husband, His Royal Highness The Prince Philip, Duke of Edinburgh. His Royal Highness passed away peacefully this morning at Windsor Castle. pic.twitter.com/XOIDQqlFPn

— The Royal Family (@RoyalFamily) April 9, 2021

بۆریس جۆنسن، سەرۆک وەزیری بەریتانیا ئەویش لە ڕێگەی تویتەرەکەیەوە پـرسە و سەرەخۆشی خۆی ئاڕاستەی خێزانی شاهانە کرد و بە تایبەتی ئێلیزابێثی دووەم، شاژنی بەریتانیا.

On the death of HRH The Prince Philip, Duke of Edinburgh. pic.twitter.com/rZlbY1matF

— Boris Johnson (@BorisJohnson) April 9, 2021

شازادە فیلیپ لە ساڵی 1947 هاوسەرگیری لەگەڵ ئێلیزابێثی دووەم کرد، واتە 5 ساڵ بەر لەوەی ببێتە شاژنی بەریتانیا.

شازادە و شاژن خاوەنی 4 منداڵ و 8 نەوە و 10 نەوەی نەوەکانیان.