سەرۆک وەزیری لوبنان داوای دەست لەکارکێشانەوەی حکومەتەکەی خستە بەردەم سەرۆکی وڵاتەکەی، ئەمەش پاش دوو هەفتە لە خۆپـیشاندان و ناڕەزایی لوبنانیـیەکان لە بەرامبەر گەندەڵی و خراپی ئابوری وڵاتەکەیان.
سەعەد ئەلحەریری ئەمڕۆ سێشەممە لەسەر تویتەرەکەی نووسی"دەست لە کارکێشانەکەم دەخەمە بەردەم سەرۆک کۆمار. پـۆستەکان دەڕۆن و دێن، گرنگ کەرامەت و سەلامەتی وڵاتەکەیە" و " کەس نیـیە لە وڵاتەکەی گەورەتربێت."
أضع استقالتي بتصرف رئيس الجمهورية والمناصب "بتروح وبتجي والمهم كرامة وسلامة البلد" و"ما في حدا أكبر من بلدو" #لبنان_أولاً #سعد_الحريري #لبنان_ينتفض
— Saad Hariri (@saadhariri) October 29, 2019
پـێشتر لە کۆنگرەیەکی ڕۆژنامەوانی گوتی لە هەوڵەکانی بۆ چارەسەرکردنی دۆخەکە بە بنبەست گەیشتووە، بۆیە بڕیاری داوە بەرەو کۆشکی بعەبدا (کۆشکی سەرۆکایەتی لوبنان) بڕوات تاوەکو داوای دەست لەکارکێشانەوەی حکومەتەکەی بدات بە سەرۆک میشێل عۆن.
لە ماوەی دوو هەفتەی ڕابردوو خۆپـیشاندانی گەورە بەیرووتی پایتەخت و چەند شارێکی وڵاتەکەی گرتەوە.