ئیسرائیل ده‌سـت به‌سه‌ر دوو که‌شتیدا ده‌گرێت که‌ به‌ره‌و غه‌ززه‌ به‌ڕێـکه‌وتبوون

هێزه‌کانی ئیسرائیل له‌ ناو ئاوی نێونه‌ته‌وه‌یی ده‌سـتیان به‌سه‌ر دوو که‌شتی سه‌ر به‌ چالاکوانانی فه‌ڵه‌سـتینی گرتووه‌ که‌ نیازیان هه‌بووه‌ گه‌مارۆی سه‌ر غه‌ززه‌ بشکێنن.

له‌ ڕاگه‌یاندنێـکدا گوته‌بێژی هێزه‌کانی به‌رگری ئیسرائیل گوتی ئه‌م کاره‌ی ئه‌مڕۆ هه‌ینی هێزه‌کانیان به‌پـێی ڕێنمایـیه‌کانی حکومه‌ت بووه‌ بۆ ڕێـگه‌گرتن له‌و که‌شـتیانه‌ی ده‌یانه‌وێت به‌ره‌و غه‌ززه‌ بڕۆن.

هیچ ڕاپـۆرتێـک له‌سه‌ر زیانی گیانی نه‌دراوه‌.

هێزی ده‌ریایی ئیسرائیل دوو که‌شـتیـیه‌که‌ی به‌ره‌و به‌نده‌ری ئه‌شـدۆد بردووه‌ و له‌وێ ئه‌و که‌سانه‌ی له‌سه‌ریانن ڕاده‌سـتی کاربه‌ده‌سـتانی پـۆلیس و ده‌زگای کۆچبه‌ری ده‌کرێن.