ڕاپـۆرتەکان لە مەغریبەوە دەڵێن پـێدەچێت کونسوڵی فەڕەنسا لە شاری تەنجە خۆی کوشتبێت بەڵام هێشتا بە فەرمی هیچ ڕانەگەیەندراوە.
باڵیۆزخانەی فەڕەنسا لە ڕەباتی پایتەخت ئەمڕۆ پـێنجشەممە لەسەر تویتەرەکەی هەواڵی مەرگی دونیس فرانسوای ڕاگەیاند و سەرەخۆشی لە بنەماڵە و هاوڕێکانی کرد، بەڵام هیچی لە بارەی هۆکاری مردنەکەی ڕانەگەیاند.
ببالغ الأسى، تعلمكم سفارة فرنسا في الرباط بوفاة دونيس فرانسوا ، القنصل العام الفرنسي في طنجة، يوم الخميس 19نونبر. يشاطر جميع العاملين في السفارة الفرنسية عائلته وأقربائه وأصدقائه أحزانهم ويتقدمون لهم بأحر التعازي. تشكر السفارة جميع من عبروا عن تضامنهم. pic.twitter.com/lfP3emS0zY
— La France au Maroc (@AmbaFranceMaroc) November 19, 2020
بەپـێی ڕاپـۆرتی میدیاکانی ئەو وڵاتە، تەرمی دونیس فرانسوا بەیانی پـێنجشەممە لە شوێنی حەوانەوەکەی بە هەڵواسراوی بینراوە، بۆیە گومان دەکرێت خۆی کوشتبێت.
دەشڵێن دونیس فرانسوا کە چەند هەفتەیەک بوو ئەو پـۆستەی گرتبووە دەست، داوای دەست لەکارکێشانەوەی کردبوو بەهۆی کێشەی تایبەتی خۆی.
کاربەدەستانی مەغریب دەڵێن لێکۆڵینەوەکانیان بەردەوامن بۆ زانینی هۆکاری مردنەکەی.