وتاره‌که‌ی ئه‌مڕۆ یه‌کشه‌ممه‌ی سکرتێری گشتی کۆمکاری عه‌ره‌ب له په‌رله‌مانی عێراقدا بووه مایه‌ی ڕه‌خنه‌و ناڕه‌زایی زۆرێک له ئه‌ندامانی کورد له په‌رله‌ماندا.
عادل عه‌بدوڵا ، ئه‌ندامی هاوپه‌یمانی کوردستان له په‌رله‌ماندا ده‌ڵێت عه‌مر موسا ، له ووتاره‌که‌یدا ڕۆڵی کوردی له پرۆسه‌ی سیاسی عێراقدا فه‌رامۆش کرد ، له ده‌مێکدا چاوه‌ڕوانی ئه‌وه‌مان ده‌کرد به‌ڕێز موسا ئاماژه‌یه‌ک به ڕۆڵی کورد بکات له بنیات نانه‌وه‌ی عێراقی نوێدا و هه‌روه‌هاش ئه‌و مه‌ینه‌تیانه‌ی به‌سه‌ر گه‌لی کورد و گه‌ڵانی عێراقیشدا هاتووه.
له میانه‌ی گفت و گۆکه‌یدا له‌گه‌ڵ هاوکارمان به‌ڵێن ساڵح ، به‌ڕێز عه‌بدوڵا باسیش له‌وه ده‌کات له پاش وتاره‌که‌ی عه‌مر موسا ڕووبه‌روو چیی به سکرتێری گشتی کۆمکاری عه‌ره‌ب گووتوه.
ده‌توانن له ڕێی کلیککردنی ئه‌و فایله ده‌نگیه‌ی سه‌ره‌وه‌ی ده‌سته چه‌پ گوێبیستی ته‌واوی گفت و گۆکه بن که ماوه‌که‌ی 4:42 خوله‌که.