سوپای ئیسرائیل ڕایگەیاند فەرماندەیەکی حەماسیان کردووەتە ئامانج کە لە کاتی شەڕدا ژمارەیەکی زۆر لە هاووڵاتیانی ئیسرائیلی لە کەرتی غەززە بە دیل گرتووە.
سوپای ئیسرائیل لە ئۆپەراسیۆنێکدا لە ڕۆژی چوارشەممە 19ی مانگی هەشت، سەباحی سامی مەحمود شەحاتەی کردووەتە ئامانج و کوشتویەتی.
مەحمود شەحاتە کە وەک فەرماندەی فەوجێک لە باڵی سەربازی حەماس ناسراوە، لە کاتی هێرشەکەی حەوتی ئۆکتۆبەردا چووەتە ناو ئیسرائیل و بەشداری لە بەدیل گرتنی ژمارەیەک بارمتەی ئیسرائیلی کردووە.
بە گوتەی سوپای ئیسرائیل، شەحاتە لە مەراسیمی ڕادەستکردنەوەی بارمتەکانی حەماسیش لە مانگی یازدەی ساڵی 2023دا بینراوە.
ئەمەریکا و ئیسرائیل هاوشانی ژمارەیەک وڵاتی دیکە، حەماسیان خستووەتە لیستی گرووپە تیرۆریستییەکانەوە.