ڕێکخراوی مافی مرۆڤی هەنگاو ڕۆژی دووشەممە ڕایگەیاند هێزەکانی پاسەوانی سنوری ئێران کۆڵبەرێکی کوردیان بە ناوی محەممەد تەوحیدپەنا کوشتووە.
بە وتەی هەنگاو، تەوحیدپەنا دانیشتووی شاری سەقزە و لە کاتی کۆڵبەری لە ناوچەی سنوری هەنگەژاڵی بانە بە تەقەی پاسەوانانی ئێران کراوەتە ئامانج و گیانی لەدەستداوە.
ڕێکخراوەکە بڵاویکردەوە، پاسەوانانی سنوری ئێران بەبێ ئاگادارکردنەوە تەقەیان لە کۆمەڵێک کۆڵبەر کردووە و لە ئەنجامدا تەوحیدپەنا دەستبەجێ گیانی لەدەستداوە.
ڕێکخراوەکانی مافی مرۆڤ ڕایانگەیاندووە، لەمساڵدا لانیکەم 35 بۆ 45 کۆڵبەر کوژراون و زیاتر لە 100 کەسی دیکەش برینداربوون.