بەگوێرەی ڕاپۆرتێکی هەواڵی، سەرۆکی ئەمەریکا دۆناڵد ترامپ ئێوارەی هەینی دیدارێکی داخراوی لەگەڵ ڕاوێژکارە باڵاکانی هەبووە بە مەبەستی تاوتوێکردنی بژاردەکان بەرامبەر بە کۆماری ئیسلامی ئێران، له نێویاندا فراوانکردنی بەرچاوی ئۆپەراسیۆنە سەربازییەکان.
کەناڵی ئەی بی سی نیوز بە پشتبەستن بە دوو سەرچاوەی ئاگادار لەو بابەتە هەواڵەکەی بڵاوکردەوە.
ڕۆژنامەی نیویۆرک تایمز ئاماژەی بە هەمان کۆبونەوە داوە. بە پشتبەستن بە چوار کەسی "ئاگادار لە کۆبوونەوەکە،" ڕایگەیاندووە کە ئامانج لێی بڕیاردان بووە لەسەر پەرەسەندنی هێرشە سەربازییەکان و ئەندامانی باڵای کابینەکەی ئامادە بوون.
سی ئێن ئێن بە پشتبەستن بە سەرچاوەیەکی ئاگادار لەو بابەتە ڕایگەیاند کە کۆبوونەوەکە سەبارەت بە ئەگەری پەرەسەندنی شەڕە ئەگەر دانووستانەکان شکست بهێنن.
بە پێی نیویۆرک تایمز، ئەم دیدارە لە کاتێکدایە کە دۆناڵد ترامپ لە سیاسەتی خۆی بەرامبەر کۆماری ئیسلامی شیانی هەیە گەیشتبێتە خاڵی وەرچەرخان.
ئەم دۆخە دوای داڕمانی ئاگربەستێکی ناسک و یاداشتێکی لێکتێگەیشتن هاتە ئاراوە کە بڕیار بوو هەردوولا بگەڕێنێتەوە سەر مێزی دانوستان بۆ ماوەی دوو مانگ گفتوگۆ بکەن بۆ ڕێککەوتنێکی درێژخایەنی چەکداماڵینی ئەتۆمی ئێران.