سکات بێسێنت، وەزیری خەزێنەی ئەمەریکا لە پۆستێکدا لە تۆڕی کۆمەڵایەتی ئێکس ڕایگەیاند دۆناڵد ترامپ بە ڕێگای ڕێککەوتنی مێژوویی ئاشتی لەگەڵ ئێران ڕۆڵێکی گرنگی لە کەمکردنەوەی گرژییە جیهانییەکاندا بینیوە و وتی ئەم رێککەوتنە ئاسایشی جیهان بەهیزتر دەکات.
وەزیری خەزێنەی ئەمەریکا ئاماژەی بەوەشکرد ئەم کارەی ترامپ دەرئەنجامی سەرکردایەتی و پەیوەندی ڕاستەوخۆی لەگەڵ هاوپەیمانان و تەنانەت نەیارەکانیدایە و لە داهاتوودا لە کتێبەکانی مێژوودا تۆمار دەکرێت.
دۆناڵد ترامپ، سەرۆکی ئەمەریکا ئێوارەی یەکشەممە ڕایگەیاند ڕێککەوتنێکی سەرەتایی بۆ ڕاگرتنی شەڕ لە ڕۆژهەڵاتی ناوەڕاست و کردنەوەی تەنگەی هورمز و کۆتایی هێنان بە گەمارۆی ئەمەریکا بۆ سەر بەندەرەکانی ئێران هاتووەتە ئاراوە و بڕیارە ڕۆژی هەینی بە فەرمی واژۆ بکرێت.