سەرۆک ترامپ ڕۆژی سێشەممە ڕایگەیاند ئەمەریکا لەگەڵ "کەسانی شیاو" لە ئێران قسە دەکات بۆ گەیشتن بە ڕێککەوتنێک بۆ کۆتایی هێنان بە شەڕەکان و ڕاشیگەیاند کە ئێرانییەکان "زۆر" دەیانەوێت ڕێککەوتنێک بکەن.
سەرۆکی ئەمەریکا لە ئۆفیسی ئۆڤاڵ بە ڕۆژنامەنووسانی ڕاگەیاند "ئێمە لە ئێستادا لە گفتوگۆداین" بەڵام وردەکارییەکانی نەخستەڕوو، بەتایبەتی کە ئایا ستیڤ ویتکۆف و جەرێد کوشنەر نوێنەری ئەمەریکا لەم هەفتەیەدا گفتوگۆ دەکەن یان نا.
پاکستان ڕایگەیاندووە کە کراوەیە بۆ میوانداریکردنی دانوستانەکانی نێوان ئەمەریکا و ئێران.
سەرۆک ترامپ سەبارەت بە ئێرانییەکان وتی "ئێمە لەڕاستیدا لەگەڵ کەسانی گونجاو قسە دەکەین، ئەوانیش بەڕاستی، بەڕاستی دەیانەوێت ڕێککەوتنێک بکەن. تۆ نازانیت چەندە خوازیاری ڕێککەوتنێکن."
ئەم لێدوانانە لە کاتێکدایە کە وتەبێژی وەزارەتی دەرەوەی ئێران و هەروەها محەمەد باقر قاڵیباف، سەرۆکی پەرلەمانی ئێران کە ئیسرائیلییەکان وەک لایەنی دانوستانکار لەگەڵ ئەمەریکاییەکان ناویان هێناوە، ڕەتیان کردووەتەوە دانوستان لەگەڵ ئەمەریکا ئەنجام بدەن.
