سەرۆک دۆناڵد ترامپ لە کۆنگرە ڕۆژنامەوانییەکەی ڕۆژی دووشەممەدا سەبارەت بە ئۆپەراسیۆنی هاوبەشی ئەمەریکا و ئیسرائیل دژی ڕژێمی ئێران لە بارەی موجتەبا خامنەیی ڕێبەری نوێی کۆماری ئیسلامییەوە قسەی کرد. پەیامنێرێک پرسیاری لە سەرۆک کرد موجتەبا خامنەیی دەکرێتە ئامانج و پێویستە لەناوببرێت؟ سەرۆک ترامپ لە وەڵامدا وتی "نامەوێت باسی ئەوە بکەم، بەڵام دڵخۆش نیم، چونکە پێمان وایە دەستنیشانکردنی ئەو وەک ڕێبەری نوێ دەبێتە هۆی هەمان ئەو کێشانەی پێشتر هەبووە."
