پاشەکشە نەکردنی ئەمەریکا لە گوتەکانی بایدن کە سەرۆکی چینی بە 'دیکتاتۆر' ناوبردبوو

ئەمەریکا پاشەکشە ناکات لە لێدوانەکانی سەرۆک جۆو بایدن کە شی جینپینگ سەرۆکی چینی بە دیکتاتۆر ناودێر کرد. لێدوانەکەی سەرۆکی ئەمەریکا کە ڕەخنەی توندی پەکینی لێکەوتەوە، ڕۆژێک دوای گەشتەکەی ئەنتۆنی بلینکن وەزیری دەرەوە بوو بۆ چین کە بە مەبەستی چاککردنەوەی پەیوەندییە دووقۆڵییەکان گەشتی ئەو وڵاتەی کردبوو.