ئەمڕۆ کۆمەڵگەی ئێزدیەکان لە سەرانسەری جیهاندا جەژنی نەریتی خۆیان بەڕێوەدەبەن، کە وەک ساڵی نوێ دادەنرێت و بە چوارشەممە سوور ناسراوە.
چوارشەممە سوور جێگەیەکی پیرۆز و گرنگی هەیە لە فەرهەنگ و ژیانی کۆمەڵگەی ئێزدیدا.
بەپێی بیروباوەڕی ئایینی ئێزدی، جیهان لەم ڕۆژەدا لەدایک بووە " تاووسێ مەلەک" لە ئاسمانەوە دابەزیوەتە سەر زەوی و یەکێکە لە جەژنە هەرە پیرۆزەکانی ئەو پێکهاتە ئاینییە.
بەرپرسان و کاربەدەستانی عێراق و هەرێمی کوردستان بەبۆنەی ئەمرۆژەوە پیرۆزبایی لە ئیزدییەکان دەکەن و دان بە قوربانیدانەکانیاندا دەنێن
سەرۆکی عێراق عبدولەتیف ڕەشید لە ڕاگەیاندنێکدا پیرۆزبایی لە کۆمەڵگەی ئیزدییەکان دەکات.
گەرمترین پیرۆزبایی لەخوشک و برایانی ئێزیدیمان دەکەم بەبۆنەی ساڵی نوێی ئێزیدییەوە و هیوای ئاشتی و خێر و خۆشی و گەڕانەوەی ئاوارەکان بۆ ماڵ و شارەکانیان دەخوازم، تا لەگەڵ براکانیان بە هەموو پێکهاتەکانەوە بەشداری بکەن لەعێراقێکی سەقامگیر و ئاوەدان.
— Abdullatif J Rashid عبد اللطيف جمال رشيد (@LJRashid) April 18, 2023
سەرۆک وەزیرانی عێراق محمەد شیاع سودانی لە تویتێکدا بە زمانی کوردی پیرۆزبایی لەئێزدییەکان دەکات و ستایشی قوربانییەکانیان دەکات.
بهەلکەفتنا سەر سالا نوویا ئێزدیا گەرمترین پیرۆزباهیا ئاراستەی گەلێ خوە ژ پێکهاتەیا ئێزدی دکەین، ئەڤ پێکهاتەیا رەسەن کو رەهێن وێ د ناڤا خاکا عیراقێ دا بۆ سەدان سالا ڤەدگەرێن. بەشداری کەیفخوەشیێن وەینە و بیرئانینا قوربانیێن مەزنێن وە دکەین کو وە ژبۆ دەستگرتن ب عیراق و ئینتیما ولات…
— محمد شياع السوداني (@mohamedshia) April 19, 2023
سەرۆکایەتی هەرێمی کوردستان نێچیرڤان بارزایش لە بەیاننامەیەکی پیرۆزبایدا ئێزییەکان دڵنیا دەکاتەوە تا " یەک ئێزیدی ڕفێندراو مابێت ئێمە بەردەوام دەبین لە بۆ دیاریکردنی چارەنوسیان و ڕزگارکردنیان."
سهرۆك نێچيرڤان بارزانى، پيرۆزباهيێ ل ئێزدييان دكهتhttps://t.co/sejbTgxyX3 pic.twitter.com/apIf8Nle4W
— Kurdistan Region Presidency (@KurdistanRegion) April 19, 2023
مەسرور بارزانی سەرۆک وەزیرانی هەرێمیش پیرۆزبایی لە ئێزدییەکان کردووە.
سالا نوو ل تەڤایا خوشک و برایێن ئێزیدی ل کوردستانێ و عێراقێ و جیهانێ پیرۆزبیت. #ÇarsemaSareSale pic.twitter.com/3iXXfJzITa
— Masrour Barzani (@masrourbarzani) April 19, 2023
سەرۆکی پێشووی عێراق دکتۆر بەرهەم ساڵح لە تویتێکدا ئێزدییەکان بە پێکهاتەیەکی ڕەسەنی کوردستانی ناودێر دەکات و دەڵێت کاریگەرییان هەبووە لەسەر بەرگری کردن لە پێکەوە ژیان.
ب ھەلکەفتا جەژنا چار شەمبوا سۆر وسەر ساڵا نو یا ئێزدییا ، جوانترین پیرۆزباییان ل خوشک وبرایێن ئێزدی دکەم وب ھیڤیا ساڵا نو ساڵا خۆشیێ وب جیھاتنا ئومێدێن وان بن، ئێزدی پێکھاتەکێ رەسەنێن کوردستانێنە وکارتێکرنا وان ھەبووە ل سەر پاراستنا پێکڤە ژیانێ وبەڕەڤانی کرن ژوان جھێ شانازیێیە pic.twitter.com/pa31kSX8Ui
— Barham Salih (@BarhamSalih) April 19, 2023
بافڵ تاڵەبانی سەرۆکی یەكێتی نیشتمانی کوردسان پەیامێکی باڵا کردووەتەوە کە وێرای پیرۆزبایی دەڵێت "ئێزدییەکان لە رابردوودا رووبەڕووی توندوتیژی و نەهامەتی زۆر بوونەتەوە و قوربانیی زۆریان داوە، بەڵام بەداخەوە تاوەکو ئێستا هەوڵەکان بۆ قەرەبووکردنەوە و ئاوەدانکردنەوەی زێدی رەسەنی خۆیان، تەنیا لە چوارچێوەی دروشمدا ماوەتەوە و هەنگاوی جدی لەوبارەیەوە نەنراوە."
هەروەها دەشڵێت نابێت "لەپێناو بەرژەوەندی حزبی و سیاسیدا یاری بە ژیان و چارەنووسیانەوە" بکرێت.
فەرماندەی هێزەکانی سوریای دیموکرات، جەنەڕاڵ مەزڵوم عەبدی، پەیامێکی بە بۆنەی چوارشەممە سوورەوە بڵاوکردەوە و ڕایگەیاند، "چوارشەممە سووری پیرۆزبێت لە هەموو کۆمەڵگەی ئێزدی لە ڕۆژاڤا و کوردستان و جیهان. پاراستنی ئایین و دەستکەوت و بەهاکانی ئێزدییەکان کۆتایی بەو کارەساتە و نادادپەروەرییە دەهێنێت کە بەسەر ئێزدییەکاندا هاتووە."
Cejna Çarşema Sor li hemû civaka Êzîdî li Rojava, Kurdistan û cîhanê pîroz be.Parastina ol, destkeftî û nirxên êzdayetiyê wê dawî li karesat û bêedaletiya hatiye serê Êzdiyan bîne.Sersalek şad û aram be..
— Mazloum Abdî مظلوم عبدي (@MazloumAbdi) April 19, 2023
ئێزدییەکان، پێکهاتەیەکی ئاینین، لە عێراق، سوریا، تورکیا هەروەها ئەرمینیا و بەشێک لە وڵاتانی یەکێتی سۆڤیەتی پێشوو دەژین، بەڵام بەهۆی مەترسی لەسەر ژیانیان، ژمارەیەکی زۆریان لە سەد ساڵی ڕابردوودا کۆچیان کردووە. دواین کۆچکردنی بە لێشاویان لە پاش ساڵی 2014 وە دەستیپێکرد کاتێک داعش هێرشی کردە سەر ناوچەکانیان لە شەنگال و سەدان کوڕ و پیاوی ئێزدی کوشت و ژنان و کچانیشیان ڕفاند.