مەسرور بارزانی سەرۆک وەزیرانی حکومەتی هەرێمی کوردستان لە مەنامەی پایتەختی بەحرەین لەگەڵ وەزیری بەرگری ئەمەریکا لۆید ئۆستندا کۆبووە و لە تویتێکدا ڕایگەیاند کە داوای لێکردووە هاوکارییەکانی بۆ پێشمەرگە زیاد بکات.
مەسرور بارزانی لە کاتێکدا گرتەیەکی ڤیدۆیی کورتی دیدارەکەی لەگەڵ ئۆستن بڵاوکردووەتەوە نوسیویەتی " ئاڵۆگۆڕکردنی بیروڕای بەبەرهەم لەگەڵ لۆید ئۆستن لەسەر بەرژەوەندییە هاوبەشەکان بۆ بەرەوپێشبردنی سەقامگیری. من جەختم کردەوە لە گرنگی بەشداری ئەمەریکا لە عێراق و ناوچەکە، و پشتیوانییەکانی بۆ شەڕی دژی تیرۆر. داوام لە وەزیر ئۆستن کرد هاوکارییەکانی بۆ پێشمەرگە زیاد بکات."
Fruitful exchange with @SecDef Lloyd Austin on shared interest to promote regional stability. I stressed the importance of US engagement in Iraq and the region, and its support for the war on terrorism. I urged Sec Austin to increase assistance for the Peshmerga. #IISSMD21 pic.twitter.com/PhulL4ftot
— Masrour Barzani (@masrour_barzani) November 20, 2021
وەزیری بەرگری ئەمەریکا لۆید ئۆستنیش لەو بارەیەوە تویتێکی کردووە و دەڵێت " دەرفەتم هەبوو ئەمڕۆ لەگەڵ سەرۆک وەزیرانی حکومەتی هەرێمی کوردستانی عێراق مەسرور بارزانی گفتوگۆ بکەم. من سوپاسی بێپایانم کرد بۆ بەردەوامی هاوبەشیمان و ئەو کۆمەکە بەنرخانەی کە پێشمەرگەکانی کورد لە شەڕی دژی داعشدا کردوویانە."
I had the opportunity to speak with Prime Minister @masrour_barzani of Iraq’s Kurdistan Regional Government today. I offered my deep appreciation for our continued partnership and the valuable contributions the Kurdish Peshmerga have made in the fight against ISIS.
— Secretary of Defense Lloyd J. Austin III (@SecDef) November 20, 2021
هەر لە میانەی سەردانەکەیدا بۆ بەحرەین بە مەبەستی بەشداری کردن لە کۆبونەوەی ساڵانەی مەنامە مەسرور بارزانی چاوێ بە برێک مکگورک ڕێکخەری کۆشکی سپی بۆ ڕۆژهەڵاتی ناوەڕاست و باکووری ئەفریقا کەوت و لە تویتێکدا ڕاگەیاند " هەروەها بیروڕام لەگەڵ برێک مکگورک ئاڵوگۆڕکرد لەسەر هەڵبژاردنەکانی ئەم دواییەی عێراق پێویستی پێکهێنانی حکومەتێکی گشتگیر کە ڕێز لە دەستووری عێراق بگرێت، هەروەها ڕێگاکانی تری کە ئەمەریکا دەتوانێت یارمەتیدەربێت بۆ باشترکردنی پەیوەندییەکانی هەولێر و بەغدا."
دیالۆگی مەنامە کۆنفرانسێکی ساڵانەیە کە تیایدا کاربەدەستان باس لە گرفتە ئاسایشییەکان دەکەن.