لە میانەی سەردانەکەیدا بۆ بەریتانیا سەرۆکی هەرێمی کوردستان نێچیرڤان بارزانی ڕۆژی شەممە لەو وڵاتە چاوی بە شازادەی جێنشینی ئەبوزەبی و جێگری فەرماندەی گشتیی هێزە چەکدارەکانی میرنشینە یەکگرتووەکانی عەرەب محەمەد بن زاید کەوت.
بارزانی لە تویتێکدا ڕایگەیاند "لەدیدارەکەدا پەیوەندییەکانی هەرێمی کوردستان و ئیمارات، هەڵبژاردنەکانی داهاتووی عێراق، سەقامگیریی هەرێمەکەمان و چەند پرسێکی تری بەرژەوەندیی هاوبەش تاوتوێکران."
ڕۆژی هەینی سەرۆکی هەرێمی کوردستان لەگەڵ بۆریس جۆنسنی سەۆرک وەزیرانی بەریتانیا کۆبووەوە و لەو کۆبونەوەیەدا باس لە پەیوەندییەکانی نێوان هەرێمی کوردستان و بەریتانیا، زیادبوونی مەترسییەکانی تیرۆر، سەقامگیری هەرێمی و هاوکارییەکانی نێوان هەردوولا کرا لە ناویاندا بابەتی ئابوریش.
لە میانەی گەشتە چوارڕۆژییەکەیدا لە لەندەن بارزانی چاوی بە چەندین کاربەدەست و کەسایەتی سیاسی کەوت لە ناویاندا وەزیری بەرگری بەریتانیا بێن والس و وەزیری نوێی پەروەردەی بەریتانیانەدیم زەهاوی کە بە ڕەچەڵەک کوردە.