ته‌قینه‌وه‌ی بۆمبێـک له‌ ناو مزگه‌وتێـکی سووننه‌ له‌ عێراق 28 کوژراوی لێده‌که‌وێته‌وه‌

بۆمبێـک له‌ ناو مزگه‌وتێـکی سووننه‌ له‌ گوندێـکی باکوری به‌غدای پایته‌ختی عێراق ته‌قیوه‌ته‌وه‌ له‌ ده‌می نوێژی هه‌ینیدا و له‌ ئاکامدا 28 که‌س کوژراون و به‌ لانی که‌م 41 که‌سیش برینداربوون.
به‌پـێی کاربه‌ده‌سـتانی پـۆلیس ڕووداوه‌که‌ له‌ گوندی ئوم ئه‌لعه‌زامی قه‌راغ شـاری باقوبه‌ له‌ باکوری ڕۆژهه‌ڵاتی به‌غدا بووه‌، که‌ پـێشـتر شوێنێـکی میلیتانه‌کان بوو‌.
هه‌تا ئاماده‌کردنی ئه‌م هه‌واڵه‌ که‌س به‌رپـرسیارێـتی خۆی له‌ هێرشه‌که‌ ڕانه‌گه‌یاندووه‌.