ته‌قینه‌وه‌یه‌کی به‌هێز ناوچه‌یه‌کی حزبوڵڵا له‌ پایته‌ختی لوبنان ده‌هه‌ژێنێت

پاش نێوه‌ڕۆی پـێـنجشه‌ممه‌ ته‌قینه‌وه‌یه‌کی به‌هێز ناوچه‌ی ڕوه‌یسی باشوری به‌یرووتی پایته‌ختی لوبنانی هه‌ژاند و له‌ ئاکامدا 14 که‌س کوژراون و زیاتر له‌ 200 که‌س برینداربوون.

ته‌قینه‌وه‌که‌ هه‌روه‌ها زیانێـکی ماڵی گه‌وره‌ی به‌ دانیشـتوان و دوکانه‌کانی ناوچه‌که‌ گه‌یاندووه‌‌.
مه‌روان شربل وه‌زیری ناوخۆی لوبنان گوتی ته‌قینه‌وه‌که‌ به‌ ئۆتۆمبیلێـکی بۆمبڕێژکراو ئه‌نجامدراوه‌.
جێی ئاماژه‌یه‌ ڕوه‌یس به‌ ناوچه‌که‌یه‌کی سه‌ر به‌ حزبوڵڵای لوبنان داده‌نرێت و چه‌ندین باره‌گای ئه‌و گروپه‌ی لێـیه‌، له‌وانه‌ شوێنی ناسراو به‌ "مه‌جمه‌ع سه‌ید ئه‌لشوهه‌دا" ئه‌وه‌ی کۆبوونه‌وه‌ و بۆنه‌کانی خۆیانی تیایدا سازده‌که‌ن.

ته‌قینه‌وه‌که‌ی پـێـنجشه‌ممه‌ی به‌یرووت