سەرۆکی ئۆکرانیا ڤلۆدیمیر زێلێنسکی وتی لەگەڵ ڕاوێژکاری ئەڵمانیا ئۆلاف شۆڵزدا قسەی کردووە و تاوتوێی یارمەتییە بەرگرییەکان و هاریکارییەکانی نێوان دوو وڵاتەکەیان کردووە لە کەرتی وزە و زیادکردنی سزاکانی سەر ڕووسیادا.
وتی " سوپاسگوزاری گفتوگۆ ئاست بەرزەکانین لەگەڵ ئەڵمانیا و پشتیوانییەکانیان."
وتەبێژێکی حکومەتی ئەڵمانیا وتی شۆڵز لە پەیوەندییە تەلەفونییەکەدا جەختی لەوە کردۆتەوە کە ئەوە پەیوەستە بە ڕووسیاوە کە دەستبەجێ دوژمنکارییەکان لە ئۆکرانیا ڕابگرێت و هێزەکان بکشێنێتەوە و سەروەری خاکی ئۆکرانیا بگەڕێنێتەوە.
وتەبێژەکە وتی " ڕاوێژکار و سەرۆکی ئۆکرانیا بۆچوونی خۆیان دەربڕیوە سەبارەت بە ڕێگە بەرجەستە و کردارییەکان بۆ بەردەوامیدان بە پشتیوانییەکان بۆ ئۆکرانیا، هەروەها ڕێکەوتوون لەسەر ئەوەی لە پەیوەندییەکی نزیکدا بمێننەوە."
سەرچاوە/ ڕۆیتەرز
زێلێنسکی دەڵێت لەگەڵ شۆڵزدا قسەی کردووە و تاوتوێی سزای زیاتریان دژی ڕووسیا کردووە
