رێکخراوەکانی یارمەتی مرۆیی داوایەکی بەپەلە دەکەن بۆ دابینکردنی بوجە بۆ یارمەتیدانی هەڵمەتەکانی بەهاناچوونیان بۆ یەمەنی وێرانبوو بە جەنگ و دەڵێن لە ئێستادا رێکخراوەکانیان ناچارن هەندێک لە کارەکانی مرۆییان راگرن لەو کاتەی پەتای ڤیرۆسی کۆرۆنا بەرۆکی یەمەنی گرتووە.
نزیکەی لە سەدا 75 ی پرۆگرامەکانی نەتەوەیەکگرتوەکان لە یەمەن لەکارکەوتوون یان ئاستی کارەکانیان کەمکردووەتەوە . رێکخراوی پرۆگرامی خۆراکی جیهانی نەتەوەیەکگرتوەکان ناچاربوو بڕی خۆراکەکانی بۆ نیوە کەمبکاتەوە ،هەروەها پرۆگرامەکانی خزمەتگوزاری تەندروستی ئەوەی بوجەکەی لەلایەن نەتەوەیەکگرتوەکانەوە دابیندەکرێت و خزمەتگوزاریە تەندروستیەکانیان لە سەرانسەری یەمەندا لەکۆی 369 نەخۆشانانە دا کەمکراونەتەوە بۆ 189.
لیس گراندێ رێکخەری کاروباری مرۆیی لە نەتەوەیەکگرتوەکان بە ئاژاسنی هەواڵی ئەسۆسییەت پرێسی گوتوە ؛ کارێکی سەختە رووبەڕو بە خێزانێک بڵێیت بمبورە بڕی ئەو خۆراکەی ئێوە پێویستانە بۆ بژێویتان ،ناچارین ئەو بڕە بکەینە نیوە .
کەمبوونەوەی بوجەی یارمەتی بۆ یەمەن لە ئەنجامی چەند هۆکارێکن ،بەڵام گرنگترینیان رێگریکردنەنکانە لەلایەن حوسیەکانی یەمەنی ئەوانەی کۆنترۆڵی سەنعای پایتەخت و ناوچەکانی دیکەی یەمەن دەکەن. هاوکات ولاتەیەکگرتوەکانی ئەمەریکا کە یەکێکە لەگەورەترین کۆمەکبەخشان لە سەرەتای ئەم ساڵدا بڕی کۆمەکی خۆی بۆ یەمەن کەمکردەوە و گوتی کەمکردنەوەی یارمەتیەکانی خۆی بۆ یەمەن بەهۆی دەستوەردانی حوسیەکانە لە و کۆمەکانەی ئەمەریکا بۆ یەمەنی دابیندەکات.
کۆنفرانسی نەتەوەیەکگرتوەکان بۆ بەڵین ی کۆمەکبەخشین بۆ یەمەن سبەی سێ شەممە هەوڵی کۆکردنەوەی یارمەتی بڕی 2.41 ملیار دۆلار دەدات بۆ خەرجیەکان ی کارە بنەڕەتیەکانی لە مانگی 6 وە هەتا مانگی 12 ی ئەمساڵ .
لیس گراندێ بەرپرس لە کاروباری فریاگوزاری بۆ یەمەن گوتیشی حوسیەکان لە یەمەن هەتا دێت هەوڵی زیاتری شەفافیەت بوونیان دەدەن و هیواشی خواست ئەم هەڵوێستەی حوسیەکان هانی وڵاتانی کۆمەکبەخش بدات یارمەتی زیاتر پێشکەش بە یەمەن بکەن.
سەرچاوە/ ئەسۆشیەتد پـرێس