کێشه‌ی دواخستی سه‌رژمێریه گشتیه‌که‌ی عێراق ناکۆکیه‌کی دروستکردووه له نێوان لایه‌نه‌کانی کورد و عه‌ره‌ب. خه‌سرو گۆران سه‌رۆکی لیستی برایه‌تی نه‌ینه‌وا و به‌رپرسی لقی پارتی دیموکراتی کوردستان له موسڵ له هه‌ڤپه‌یڤینێکدا له‌گه‌ڵ به‌شی کوردی ده‌نگی ئه‌مه‌ریکا ده‌ڵێت ئه‌و لایه‌نانه‌ی له به‌رامبه‌ر سه‌رژمێریه‌که‌دا ئاسته‌نگ دروست ده‌که‌ن ، ئه‌وانه‌ن که له سنووری کوردستانن و به‌شێک بوونه له نه‌خشه‌ی به عه‌ره‌بکردنی کوردستان، واته عه‌ره‌به‌کانی که‌رکوک و موسڵ و دیاله که نایانه‌وێت سه‌رژمێری ئه‌نجام بدرێت له‌به‌ر ئه‌وه‌ی ڕاستیه‌کان ده‌رده‌که‌وێت و شیانی هه‌یه ئه‌و ناوچانه‌ی له چوارچێوه‌ی به‌ندی 140 دا بگه‌ڕێنه‌وه سه‌ر هه‌رێمی کوردستان.
ده‌توانن گوێبیسـتی ده‌قی گفتوگۆکه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی سه‌ره‌وه‌ی ده‌سته چه‌پ، ماوه‌كه‌ی5:00 خوله‌كه.
