Accessibility links

هاوپەیمانێتی نێودەوڵەتی فڕۆکەیەکی بێ فڕۆکەوانی دەستکردی ئێران لە سوریا دەخاتە خوارێ

  • VOA News

هاوپەیمانێتی نێودەوڵەتی بە ڕابەرایەتی ئەمەریکا فڕۆکەیەکی بێ فڕۆکەوانی بۆمب هەڵگری دەسـتکردی ئێرانی لە سوریا خستە خوارێ پاش ئەوەی بە ئاڕاستەی ئەو هێزانە چووبوو کە لە باشوری سوریادان و هاوپەیمانان بۆ شەڕی دژی داعش پشـتیوانیان لێدەکات.

ئەمڕۆ سێشەممە لە بەیانـنامەیەکی هاوپەیماناندا ڕاگەیەندار، فڕۆکەیەکی ئەمەریکایی جۆری U.S. F-15E Strike Eagle فڕۆکەیەکی ئێرانی جۆری شاهد 129 خستووەتە خوارێ لە ناوچەیەک لە باکوری ڕۆژهەڵاتی تەنەف لە نزیک سنوورەکانی ئوردن.

هەروەها لە بەیانـنامەکەدا هاتووە هێزەکانی هاوپەیمانان هیچ چاوپـۆشیەک ناکەن لە ئاست ڕەفتار و نیازە دوژمنکارانەکانی حکومەتی سوریا لە بەرامبەر ئەو هێزانەی لە سوریا شەڕی داعش دەکەن و هاوپەیمانان پشـتیوانیان لێدەکەن.

کاربەدەسـتێـکی ئەمەریکا بە ئاژانسی دەنگ‌وباسی فڕانس پـرێسی گوت فڕۆکەکە بە شێوەیەک بە ئاڕاستەی هێزەکاندا ڕۆیشتبوو کە گومانی لێدەکرا نیازی بۆردومانکردن بووبێت.

ئەمە دووەم فڕۆکەیە لە ماوەی کەمتر لە هەفتەیەکدا لە لایەن هاوپەیمانانەوە لە سوریا بخرێتە خوارێ.

XS
SM
MD
LG