Accessibility links

کۆشکی سپی دەڵێت هیچ ئاماژەیەک نییە لەسەر ئەوەی ڕووسیا ئامادەکاری بۆ بەکارهێنانی چەکی ئەتۆمی بکات


وتەبێژی کۆشکی سپی کارین جین پیێر

وتەبێژی کۆشکی سپی کارین جین پیێر دەڵێت ئەمەریکا هیچ ئاماژەیەکی نەبینیوە لەسەر ئەوەی ڕووسیا ئامادەکاری بکات بۆ بەکارهێنانی چەکی ئەتۆمی، ئەوەش سەرەڕای لێدوانەکانی سەرۆکی ڕووسیا ڤلادیمیر پوتن لەسەر بەکارهێنانی ئەو جۆرە چەکە.

سەرۆکی ڕووسیا ڤلادیمیر پوتن لە ماوەی ڕابردوودا فەرمانی بە کۆکردنەوەی سەرباز کرد و هەڕەشەی بەکارهێنانی چەکی ئەتۆمی کردووە.

جین پیێر بە ڕۆژنامەنووسانی وت " ئێمە لێرە چەکی ئەتۆمی یاخود لێدوانی زەق سەبارەت بە چەکی ئەتۆمی زۆر بە جددی وەردەگرین، بەڵام دەمەوێت بڵێم هیچ هۆکارێکمان نەبینیوە تاوەکو گۆڕانکاری لە پێگەی ستراتیژی ئەتۆمیماندا بکەین، هیچ ئاماژەیەکیشمان نەبینیوە لەسەر ئەوەی ڕووسیا ئامادەکاری بکات بۆ بەکارهێنانی چەکی ئەتۆمی."

سەرچاوە/ ڕۆیتەرز

XS
SM
MD
LG